പ്രിയാ വർഗീസ് നിയമനം:'റിസർച്ച് സ്കോർ കൂടിയതുകൊണ്ടുമാത്രം തെരഞ്ഞെടുക്കപ്പെടണമെന്നില്ല'; കണ്ണൂർ സർവകലാശാല

മുഖ്യമന്ത്രിയുടെ പ്രൈവറ്റ് സെക്രട്ടറി കെ കെ രാഗേഷിന്റെ ഭാര്യ പ്രിയ വർഗീസിന്  അസോസിയേറ്റ് പ്രൊഫസർ നിയമനം നൽകിയതിൽ വിശദീകരണവുമായി കണ്ണൂർ സർവ്വകലാശാല.ഫാക്കൽറ്റി ഡെവലപ്‌മെന്‍റിനായി ചെലവഴിച്ചതും അക്കാദമിക തസ്തികകളിൽ ഡെപ്യൂട്ടേഷനിൽ ചെലവഴിച്ച കാലയളവും അധ്യാപന പരിചയമായി കണക്കാകാം എന്നാണ് കണ്ണൂർ സർവകലാശാലയുടെ വിശദീകരണം. ഇത് സംബന്ധിച്ച് സ്റ്റാൻഡിംഗ് കൗൺസിൽ, അഡ്വക്കേറ്റ് ജനറൽ എന്നിവരിൽ   നിന്ന്  നിയമോപദേശം ലഭിച്ചിട്ടുണ്ടെന്നും സർവകലാശാല വിശദീകരിക്കുന്നു.