കെ ജയകുമാർ തിരുവിതാംകൂർ ദേവസ്വം ബോർഡ് അധ്യക്ഷൻ; സർക്കാർ വിജ്ഞാപനം പുറത്തിറക്കി

നവംബർ 14 മുതൽ പ്രാബല്യത്തിൽ വരുന്ന നിയമനം രണ്ട് വർഷത്തേക്കായിരിക്കും. നിലവിലെ പ്രസിഡന്റ് പി.എസ്. പ്രശാന്തിന്റെ കാലാവധി നവംബർ 13-ന് അവസാനിക്കുന്ന സാഹചര്യത്തിലാണ് പുതിയ നിയമനം. മുൻപ് തുഞ്ചത്തെഴുത്തച്ഛൻ മലയാളസർവകലാശാലയുടെ വൈസ് ചാൻസലറായും കെ. ജയകുമാർ പ്രവർത്തിച്ചിട്ടുണ്ട്. ഐ.എ.എസ്. ഉദ്യോഗസ്ഥൻ എന്നതിലുപരി കവി, ഗാനരചയിതാവ്, വിവർത്തകൻ, ചിത്രകാരൻ, തിരക്കഥാകൃത്ത് എന്നീ നിലകളിലും അദ്ദേഹം ശ്രദ്ധേയനാണ്.