Fuel Price | 'പ്രധാനമന്ത്രി തെറ്റിദ്ധരിപ്പിക്കുന്നു; ആറു വർഷമായി കേരളം ഇന്ധനനികുതി കൂട്ടിയിട്ടില്ല': മന്ത്രി കെ എൻ ബാലഗോപാൽ

തിരുവനന്തപുരം: ചില സംസ്ഥാനങ്ങൾ ഇന്ധന നികുതി (Fuel tax) കുറയ്ക്കാത്തത് അനീതിയാണെന്ന പ്രധാനമന്ത്രി നരേന്ദ്ര മോദിയുടെ (PM Narendra Modi) വിമർശനത്തിന് മറുപടിയുമായി ധനകാര്യമന്ത്രി കെ എൻ ബാലഗോപാൽ (KN Balagopal). കേരളം കഴിഞ്ഞ ആറു വർഷമായി ഇന്ധന നികുതി കൂട്ടിയിട്ടില്ലെന്ന് തിരുവനന്തപുരത്ത് നടത്തിയ വാർത്താസമ്മേളനത്തിൽ കെ എൻ ബാലഗോപാൽ പറഞ്ഞു. കേന്ദ്രത്തിന്റെ ഭാഗത്ത് നിന്ന് തെറ്റിദ്ധാരണ ഉണ്ടാക്കുന്നു. പ്രധാനമന്ത്രി പറഞ്ഞത് തെറ്റിദ്ധാരണ ഉണ്ടാക്കും. കേന്ദ്രം സർച്ചാർജും സെസും നിർത്തുകയാണ് വേണ്ടതെന്നും കെ എൻ ബാലഗോപാൽ പറഞ്ഞു. പ്രധാനമന്ത്രിയുടെ വാക്കുകള്‍ തെറ്റിദ്ധാരണയുണ്ടാക്കുന്നതാണെന്നും സംസ്ഥാനത്തിന്റെ നികുതികളിലേക്ക് കേന്ദ്രം കടന്നുകയറുകയാണെന്നും ധനമന്ത്രി കുറ്റപ്പെടുത്തി.