'ജനപ്രതിനിധിയാണ് പിടിയിലായത്, പീഡനം മാത്രമല്ല സാമ്പത്തിക തട്ടിപ്പും': രാഹുലിന്റെ അറസ്റ്റിൽ പ്രതികരിച്ച് വനിതാ കമ്മീഷൻ

മനുഷ്യത്വ രഹിതമായ പീഡനങ്ങൾക്കിരയായ നിരവധി പെൺകുട്ടികൾ പരാതിയുമായി രംഗത്തുണ്ടെന്ന് സതീദേവി പറഞ്ഞു. പീഡനത്തിന് പുറമെ യുവതികളുടെ പണം പിടിച്ചുപറിക്കുന്ന തരത്തിലുള്ള ചൂഷണവും നടന്നതായാണ് പുറത്തുവരുന്ന വിവരങ്ങൾ. ഒടുവിൽ പ്രതിയെ പോലീസ് പിടികൂടിയത് സ്ത്രീകൾക്ക് കേരളത്തിൽ സുരക്ഷയുണ്ട് എന്നതിന്റെ വ്യക്തമായ തെളിവാണെന്നും, പഴുതടച്ച അന്വേഷണത്തിലൂടെ പ്രതിയെ വലയിലാക്കിയ പോലീസിനെ അഭിനന്ദിക്കുന്നുവെന്നും വനിതാ കമ്മീഷൻ അധ്യക്ഷ കൂട്ടിചേർത്തു.