കൊച്ചി മെട്രോ സ്റ്റേഷനിൽ ഇനി പ്രീമിയം മദ്യവും; ബെവ്കോയുടെ സൂപ്പർ പ്രീമിയം ഔട്ട്ലെറ്റിന് തുടക്കം

ഏഴായിരം കേസ് മദ്യമാണ് പുതിയ ഔട്ട്ലെറ്റിലുള്ളത്. കഴിഞ്ഞ വർഷം ഏപ്രിലിലാണ് കൊച്ചി മെട്രോയുടെ വൈറ്റില, വടക്കേക്കോട്ട സ്റ്റേഷനുകളിൽ ഔട്ട്‍ലെറ്റുകൾ തുടങ്ങാൻ കെഎംആർഎല്ലും ബെവ്കോയും തമ്മിൽ കരാറിലെത്തിയത്. ഇതിന് പിന്നാലെ എക്സൈസ് വകുപ്പ് അനുമതി നൽകുകയായിരുന്നു. ഔട്ട്ലെറ്റ് ഒക്കെ വന്നെങ്കിലും സീൽ പൊട്ടിക്കാത്ത മദ്യകുപ്പിയുമായേ മെട്രോ ട്രെയിനിൽ യാത്ര ചെയ്യാൻ കഴിയുകയുളുവെന്നാണ് മെട്രോ അധികൃതരുടെ മുന്നറിയിപ്പ്.