'ഇത് കൊടുംചതി'; പൊട്ടിത്തെറിച്ച് കോവൂർ കുഞ്ഞുമോൻ

തിരുവനന്തപുരം: ഇടതുമുന്നണി വിപൂലീകരണം പ്രഖ്യാപിച്ചതിന് പിന്നാലെ പൊട്ടിത്തെറിച്ച് ആർ.എസ്.പി. ലെനിനിസ്റ്റ് നേതാവ് കോവൂർ കുഞ്ഞുമോൻ. ഇടതുമുന്നണി ചെയ്തത് കൊടുംചതിയാണെന്ന് കോവൂർ കുഞ്ഞുമോൻ എംഎൽഎ ന്യൂസ്18നോട് പറഞ്ഞു. ഇപ്പോൾ മുന്നണിയിൽ എടുത്ത പാർട്ടികൾക്കുള്ള ഇടതുപക്ഷ ബന്ധം സംശയത്തിലാണ്. എല്ലാക്കാലത്തും ഇടതുമുന്നണിയെ ശക്തിപ്പെടുത്തിയിട്ടുള്ള ആര്‍എസ്പിയെ പൂര്‍ണമായും അവഗണിച്ചുവെന്നും അദ്ദേഹം പറഞ്ഞു. സംസ്ഥാന സമിതി ഉടന്‍ ചേര്‍ന്ന് ശക്തമായ തീരുമാനം എടുക്കുമെന്നും കോവൂര്‍ കുഞ്ഞുമോന്‍ കൂട്ടിച്ചേർത്തു.