ബേപ്പൂർ ഇൻ്റർനാഷണൽ വാട്ടർ ഫെസ്റ്റ് അഞ്ചാം സീസണിന് ഒരുക്കം; സംഘാടക സമിതി ഓഫീസ് തുറന്നു
Last Updated:
ഡിസംബര് 26, 27, 28 തീയതികളിലാണ് ബേപ്പൂര് വാട്ടര് ഫെസ്റ്റ് കോഴിക്കോട് അരങ്ങേറുന്നത്.
ബേപ്പൂര് ഇൻ്റര്നാഷണല് വാട്ടര് ഫെസ്റ്റ് അഞ്ചാം സീസണിൻ്റെ സംഘാടക സമിതി ഓഫീസ് ഡിസംബര് 21ന് തുറന്നു പ്രവർത്തനമാരംഭിച്ചു. സംഘാടക സമിതി ഓഫീസ് ജില്ലാ കളക്ടർ സ്നേഹിൽ കുമാർ സിങ് ഉദ്ഘാടനം ചെയ്തു. കേരളത്തിലെ ഏറ്റവും പ്രധാന വാട്ടർ ഫെസ്റ്റിവലുകളിൽ ഒന്നാണ് ബേപ്പൂരിൽ നടക്കുന്നതെന്നും ഈ വർഷം പ്രാദേശിക പരിപാടികളും പങ്കാളിത്തവും ഉറപ്പ് വരുത്തുമെന്നും കളക്ടർ പറഞ്ഞു. പരിപാടിയുടെ ഭാഗമായി കലാസന്ധ്യയും അരങ്ങേറി.
ഹാർബർ എൻജിനീയറിങ് ഓഫീസിൽ നടന്ന ചടങ്ങിൽ കോർപറേഷൻ കൗൺസിലർ കെ രാജീവ് അധ്യക്ഷനായി. കൗൺസിലർമാരായ ഇ അനിത കുമാരി, ടി പി ബീരാൻ കോയ, സി സന്ദേശ്, ടി കെ തസ്ലീന, കെ സുരേഷ്, രാമനാട്ടുകര മുനിസിപ്പൽ കൗൺസിലർ വാഴയിൽ ബാലകൃഷ്ണൻ, ബേപ്പൂർ ഡെവലപ്പ്മെൻ്റ് മിഷൻ കൺവീനർ ടി രാധ ഗോപി, ടൂറിസം വകുപ്പ് ഡയറക്ടർ പ്രദീപ് ചന്ദ്രൻ, ഡി.ടി.പി.സി. സെക്രട്ടറി ടി. നിഖിൽദാസ്, ഹാർബർ എൻജിനീയറിങ് വിഭാഗം സൂപ്രണ്ടിംഗ് എൻജിനീയർ ജയദീപ്, രാഷ്ട്രീയ പാർട്ടി പ്രതിനിധികൾ തുടങ്ങിയവർ പങ്കെടുത്തു.
advertisement
ഡിസംബര് 26, 27, 28 തീയതികളിലാണ് ബേപ്പൂര് വാട്ടര് ഫെസ്റ്റ് കോഴിക്കോട് അരങ്ങേറുന്നത്. ജല കായികമേള, ജല ഘോഷയാത്ര, അഡ്വഞ്ചര് വാട്ടര് സ്പോര്ട്സ്, ഭക്ഷ്യമേള, കലാപരിപാടികള് തുടങ്ങിയവക്ക് ബേപ്പൂര്, ചാലിയം, നല്ലൂര്, രാമനാട്ടുകര, ഫറോക്ക് വി പാര്ക്ക്, നല്ലളം വി പാര്ക്ക്, നല്ലളം അബ്ദുറഹ്മാന് പാര്ക്ക് എന്നിവിടങ്ങളിലാണ് വേദിയൊരുങ്ങുക. ഡിസംബര് 25 മുതല് 29 വരെ ബേപ്പൂരില് ഫുഡ് ഫെസ്റ്റും സംഘടിപ്പിക്കും. തികച്ചും വ്യത്യസ്തമായ വർണ്ണകാഴ്ചകളാകും ജല കായിക മേളയിൽ അരങ്ങേറാൻ പോകുന്നത്. ഡിസംബര് 26, 27, 28 തീയതികളിലായി നടത്തപ്പെടുന്ന ബേപ്പൂര് വാട്ടര് ഫെസ്റ്റിൽ പ്രവേശനം തീർത്തും സൗജന്യമാണ്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kozhikode [Calicut],Kozhikode,Kerala
First Published :
Dec 22, 2025 7:10 PM IST
മലയാളം വാർത്തകൾ/ വാർത്ത/Kozhikkod/
ബേപ്പൂർ ഇൻ്റർനാഷണൽ വാട്ടർ ഫെസ്റ്റ് അഞ്ചാം സീസണിന് ഒരുക്കം; സംഘാടക സമിതി ഓഫീസ് തുറന്നു
