എൻ എസ് എസ് റീജ്യണൽ പുരസ്കാരങ്ങളിൽ തിളക്കമാർന്ന നേട്ടവുമായി കാലിക്കറ്റ് ഗേൾസ് എച്ച് എസ് എസ്

സ്റ്റേറ്റ് എൻ എസ് എസ് ഓഫീസർ ഡോ: ഡി ദേവിപ്രിയ, എൻ എസ് എസ് സന്ദേശം നൽകി. RDD അജിത വി, റീജ്യണൽ പ്രോഗ്രാം കൺവീനർ, രാഹുൽ എസ്, ജില്ലാ കൺവീനർ എം കെ ഫൈസൽ, ചടങ്ങിൽ സംസാരിച്ചു. റിജണൽ പ്രോഗ്രാം കൺവീനർ എസ് ശ്രീചിത്ത് സ്വാഗതവും, ആർ പി സി ബിനു പി ബി നന്ദിയും പറഞ്ഞു. കോഴിക്കോട്, മലപ്പുറം ജില്ലകളിലെ 300 ൽ പരം എൻ എസ് എസ് യൂണിറ്റുകളിൽ നിന്നാണ് കാലിക്കറ്റ് ഗേൾസ് ഹയർ സെക്കണ്ടറി എൻ എസ് എസ് യൂണിറ്റ് റീജ്യണൽ തല (ഉത്തര മേഖല 1) പുരസ്ക്കാര നേട്ടം കൈവരിച്ചത്.

നോർത്തേൺ റീജ്യണിലെ മികച്ച പ്രോഗ്രാം ഓഫീസർ, മികച്ച യൂണിറ്റ്, ജില്ലയിലെ മികച്ച വോളണ്ടിയർ പുരസ്ക്കാരങ്ങളാണ് യൂണിറ്റിന് ലഭിച്ചത്. റീജ്യണിലെ മികച്ച യൂണിറ്റ് പുരസ്ക്കാരം പ്രിൻസിപ്പാൾ എം അബ്ദു മാസ്റ്ററും, റീജ്യണിലെ മികച്ച പ്രോഗ്രാം ഓഫീസർ യൂണിറ്റിലെ പ്രോഗ്രാം ഓഫീസർ ഇ കെ ഷഹീന ടീച്ചറും, ജില്ലയിലെ മികച്ച വോളണ്ടിയർ അവാർഡ് അൻസിറ ഫാത്തിമ പി പി യും പൊതു വിദ്യാഭ്യാസ വകുപ്പ് ഡയറക്ടർ ഉമേഷ് എൻ എസ് കെ, ഐ എ എസ്സിൽ നിന്നും ഏറ്റുവാങ്ങി.