വടകര ഗവ. ജില്ലാ ആശുപത്രിയുടെ പുതിയ കെട്ടിടത്തിനു കല്ലിട്ട് മുഖ്യമന്ത്രി പിണറായി വിജയൻ

ആറ് നിലകളിലായി ഏകദേശം 83 കോടി രൂപ ചെലവിൽ 14.329 ചതുരശ്ര മീറ്ററിൽ വിപുലമായ സൗകര്യങ്ങളോടെയാണ് കെട്ടിടം നിർമിക്കാൻ ഒരുങ്ങുന്നത്. ആറ് ഓപ്പറേഷൻ തിയേറ്റർ, 123 കിടക്കകളുള്ള പുരുഷ-വനിതാ വാർഡുകൾ, ഐസൊലേഷൻ വാർഡുകൾ, 22 കിടക്കകളുള്ള എസ് ഐ സി യു, 14 കിടക്കകളുള്ള പോസ്റ്റ് ഓപ്പറേഷൻ വാർഡ്, 25 കിടക്കകളുള്ള എമർജൻസി കെയർ തുടങ്ങിയവ ഇതിലുൾപ്പെടുന്നു. മൂന്നൂറോളം വാഹനങ്ങൾക്ക് പാർക്കിങ് സൗകര്യവുമുണ്ട്. ആറ് ലിഫ്റ്റുകൾ, കാത്തിരിപ്പ് കേന്ദ്രം, സ്റ്റോറേജ് സംവിധാനമുള്ള ഫാർമസി, വിശാലമായ 24 ഒ പി മുറികൾ, ലാബ്, റേഡിയോളജി വകുപ്പ്, രക്തബാങ്ക് യൂണിറ്റ്, അഡ്‌മിനിസ്ട്രേഷൻ ഏരിയ, അടുക്കള, ഡൈനിങ് സൗകര്യങ്ങൾ, സി എസ് എസ്‌ ഡി യൂണിറ്റ്, മലിനജല സംസ്‌കരണ പ്ലാന്റ്റിനുള്ള സൗകര്യങ്ങൾ തുടങ്ങിയവയും ഉണ്ടാകും.

പുരുഷന്മാരുടെയും സ്ത്രീകളുടെയും വാർഡ് നബാർഡിൻ്റെ ധനസഹായത്തോടെ നിർമിച്ച പുതിയ കെട്ടിടത്തിലേക്ക് താൽക്കാലികമായി മാറ്റും. സ്ത്രീകളുടെയും കുട്ടികളുടെയും വാർഡും ലേബർ റൂമും ദന്തൽ ഒപിയും നേരത്തേ മാറ്റിയിരുന്നു. യു എൽ സി സിക്കാണ് ഇതിൻ്റെ കെട്ടിട നിർമാണച്ചുമതല.