'സ്ഥാനാർത്ഥികളെ തീരുമാനിച്ചില്ല, മികച്ച സ്ഥാനാർത്ഥികളെ അണിനിരത്തും': മുല്ലപ്പള്ളി രാമചന്ദ്രൻ
Last Updated:
കേരളത്തില് വികസന സംസ്കാരം ഉണ്ടാക്കിയത് കോണ്ഗ്രസ് മുഖ്യമന്ത്രിമാരാണെന്നും അവരുടെ കയ്യൊപ്പു പതിയാത്ത ഒരു വികസനവും കേരളത്തില് ഉണ്ടായിട്ടില്ലെന്നും അദ്ദേഹം പറഞ്ഞു.
തിരുവനന്തപുരം: നിയമസഭാ തെരഞ്ഞെടുപ്പില് ഏറ്റവും മികച്ച സ്ഥാനാര്ത്ഥികളെ കോണ്ഗ്രസ് അണിനിരത്തുമെന്ന് കെ പി സി സി അധ്യക്ഷൻ മുല്ലപ്പള്ളി രാമചന്ദ്രൻ. സ്ഥാനാര്ത്ഥികളെക്കുറിച്ച് ഇതുവരെ ഒരു തീരുമാനവും എടുത്തിട്ടില്ല. സ്ഥാനാര്ത്ഥി നിർണയവുമായി ബന്ധപ്പെട്ട ഒരു ചര്ച്ചയും ഡല്ഹിയില് നടന്നിട്ടില്ലെന്നും അദ്ദേഹം സോഷ്യൽ മീഡിയയിൽ പങ്കുവച്ച കുറിപ്പിൽ വ്യക്തമാക്കി.
സ്ഥാനാര്ത്ഥി നിര്ണ്ണയത്തിലെ അനവധാനത കൊണ്ട് തദ്ദേശ തെരഞ്ഞെടുപ്പില് നേരിയ തിരിച്ചടി ഉണ്ടായിട്ടുണ്ട്. ജനവിശ്വാസം ഉള്ളവരായിരിക്കും കോണ്ഗ്രസിന്റെ സ്ഥാനാര്ത്ഥികള്. യുവജനങ്ങള്, മഹിളകള്, അവശദുര്ബല വിഭാഗത്തില്പ്പെട്ടവര്, ന്യൂനപക്ഷവിഭാഗങ്ങള് എന്നിവര്ക്ക് മുന്ഗണന ഉണ്ടാകും. ഭരണമാറ്റം ജനം ആഗ്രഹിക്കുന്നു. ജനങ്ങളെ പൂര്ണ്ണമായി വിശ്വാസത്തിലെടുത്ത് കോണ്ഗ്രസും യു ഡി എഫും മുന്നോട്ട് പോകുമെന്നും അദ്ദേഹം വ്യക്തമാക്കി.
You may also like: Kerala Lottery 19-01-2021 Sthree Sakthi Lottery Result SS-245 | സ്ത്രീശക്തി ലോട്ടറി നറുക്കെടുത്തു; 75 ലക്ഷം ആര് കൊണ്ടുപോയി? [NEWS]'ഭാര്യയുടെ സ്വകാര്യ ഭാഗങ്ങൾ നേരാം വണ്ണം വെളിച്ചത്തു കണ്ടിട്ടുള്ളവർ എത്ര പേരുണ്ടാവും? ' - വൈറലായി ഡോക്ടറുടെ ചോദ്യം [NEWS] 'കൊല്ലേണ്ടോരെ കൊല്ലും ഞങ്ങൾ, തല്ലേണ്ടവരെ തല്ലും ഞങ്ങൾ': പേരെടുത്ത് കൊലവിളി മുദ്രാവാക്യവുമായി സിപിഎം [NEWS]
എല്ലാ നേതാക്കളും ഒറ്റക്കെട്ടായി ഒരു മനസോടെ തെരഞ്ഞെടുപ്പിനെ നേരിടും. കൂട്ടായ നേതൃത്വമാണ് നയിക്കുന്നത്. തെരഞ്ഞെടുപ്പിന് ശേഷം ആരാണ് നയിക്കുക എന്നത് ഹൈക്കമാൻഡ് തീരുമാനിക്കും എന്ന് എ കെ ആന്റണിയും കെ സി വേണുഗോപാലും വ്യക്തമാക്കിയിട്ടുണ്ട്. മറിച്ചുള്ള വാര്ത്തകള് അടിസ്ഥാന രഹിതമാണെന്നും മുല്ലപ്പള്ളി പറഞ്ഞു. ഊഹാപോഹങ്ങള്ക്ക് പിറകെ ഒരു പ്രവര്ത്തകനും പോകരുതെന്നും അദ്ദേഹം നിർദ്ദേശിച്ചു. അച്ചടക്കത്തോടും ഏകമനസ്സോടും കൂടി മുന്നോട്ട് പോയാല് നമുക്ക് ലക്ഷ്യസ്ഥാനത്ത് എത്താന് സാധിക്കും. എൽ ഡി എഫിനെ പരാജയപ്പെടുത്തുക എന്നതാണ് ലക്ഷ്യം. യുവാക്കളുടെയും അവശദുര്ബല വിഭാഗത്തിന്റെയും പ്രശ്നങ്ങള് വരുന്ന യുഡിഎഫ് സര്ക്കാരിനു പരിഹരിക്കാന് കഴിയും.
advertisement
കേരളത്തില് വികസന സംസ്കാരം ഉണ്ടാക്കിയത് കോണ്ഗ്രസ് മുഖ്യമന്ത്രിമാരാണെന്നും അവരുടെ കയ്യൊപ്പു പതിയാത്ത ഒരു വികസനവും കേരളത്തില് ഉണ്ടായിട്ടില്ലെന്നും അദ്ദേഹം പറഞ്ഞു. ക്ഷേമപെന്ഷന് തുടങ്ങിയത് ആര് ശങ്കറാണെന്നും സൗജന്യറേഷന് നല്കിയത് ഉമ്മന് ചാണ്ടിയാണെന്നും പെന്ഷനും ഭക്ഷ്യകിറ്റുമൊക്കെ മുന് സര്ക്കാരുകളുടെ തുടര്ച്ചയാണെന്നും അതില് കൊട്ടിഘോഷിക്കാന് ഒന്നുമില്ലെന്നും മുല്ലപ്പള്ളി പറഞ്ഞു.
മുല്ലപ്പള്ളി രാമചന്ദ്രൻ സോഷ്യൽ മീഡിയയിൽ പങ്കുവച്ചത്,
നിയമസഭാ തെരഞ്ഞെടുപ്പില് ഏറ്റവും മികച്ച സ്ഥാനാര്ത്ഥികളെ കോണ്ഗ്രസ് അണിനിരത്തും.
സ്ഥാനാര്ത്ഥികളെക്കുറിച്ച് ഇതുവരെ ഒരു തീരുമാനവും എടുത്തിട്ടില്ല.സ്ഥാനാര്ത്ഥി നിര്ണ്ണയവുമായി ബന്ധപ്പെട്ട ഒരു ചര്ച്ചയും ഡല്ഹിയില് നടന്നിട്ടില്ല. സ്ഥാനാര്ത്ഥി നിര്ണ്ണയത്തിലെ അനവധാനത കൊണ്ട് തദ്ദേശ തെരഞ്ഞെടുപ്പില് നേരിയ തിരിച്ചടിയുണ്ടായിട്ടുണ്ട്. ജനവിശ്വാസം ഉള്ളവരായിരിക്കും കോണ്ഗ്രസിന്റെ സ്ഥാനാര്ത്ഥികള്. യുവജനങ്ങള്, മഹിളകള്, അവശദുര്ബല വിഭാഗത്തില്പ്പെട്ടവര്, ന്യൂനപക്ഷവിഭാഗങ്ങള് എന്നിവര്ക്ക് മുന്ഗണന ഉണ്ടാകും. ഭരണമാറ്റം ജനം ആഗ്രഹിക്കുന്നു. ജനങ്ങളെ പൂര്ണ്ണമായി വിശ്വാസത്തിലെടുത്ത് കോണ്ഗ്രസും യുഡിഎഫും മുന്നോട്ട് പോകും.
advertisement
എല്ലാനേതാക്കളും ഒറ്റക്കെട്ടായി ഒരുമനസ്സോടെ തെരഞ്ഞെടുപ്പിനെ നേരിടും. കൂട്ടായ നേതൃത്വമാണ് നയിക്കുന്നത്. തെരഞ്ഞെടുപ്പിന് ശേഷം ആരാണ് നയിക്കുക എന്നത് ഹൈക്കമാന്റ് തീരുമാനിക്കും എന്ന് എകെ ആന്റണിയും കെസി വേണുഗോപാലും വ്യക്തമാക്കിയിട്ടുണ്ട്. മറിച്ചുള്ള വാര്ത്തകള് അടിസ്ഥാന രഹിതമാണ്. ഊഹാപോഹങ്ങള്ക്ക് പിറകെ ഒരു പ്രവര്ത്തകനും പോകരുത്. അച്ചടക്കത്തോടും ഏകമനസ്സോടും കൂടി മുന്നോട്ട് പോയാല് നമുക്ക് ലക്ഷ്യസ്ഥാനത്ത് എത്താന് സാധിക്കും. എല്ഡിഎഫിനെ പരാജയപ്പെടുത്തുക എന്നതാണ് ലക്ഷ്യം. യുവാക്കളുടെയും അവശദുര്ബല വിഭാഗത്തിന്റെയും പ്രശ്നങ്ങള് വരുന്ന യുഡിഎഫ് സര്ക്കാരിനു പരിഹരിക്കാന് കഴിയും.
advertisement
കോണ്ഗ്രസ് മുഖ്യമന്ത്രിമാരാണ് കേരളത്തില് വികസന സംസ്കാരം ഉണ്ടാക്കിയത്. അവരുടെ കയ്യൊപ്പുപതിയാത്ത ഒരു വികസനവും കേരളത്തില് ഉണ്ടായിട്ടില്ല. മുന് മുഖ്യമന്ത്രി ഉമ്മന് ചാണ്ടിയുടെ പേരിലാണ് കണ്ണൂര് വിമാനത്താവളവും കൊച്ചി മെട്രോയുമൊക്കെ ചരിത്രത്തില് ഇടംപിടിച്ചത്. ക്ഷേമപ്രവര്ത്തനങ്ങളിലും കോണ്ഗ്രസ് മുഖ്യമന്ത്രിമാരാണ് മുന്നിലുള്ളത്. ക്ഷേമപെന്ഷന് തുടങ്ങിയത് ആര് ശങ്കറാണ്. സൗജന്യറേഷന് നല്കിയത് ഉമ്മന് ചാണ്ടിയാണ്. പെന്ഷനും ഭക്ഷ്യകിറ്റുമൊക്കെ മുന് സര്ക്കാരുകളുടെ തുടര്ച്ചയാണ്. അതില് കൊട്ടിഘോഷിക്കാന് ഒന്നുമില്ല.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jan 22, 2021 6:24 PM IST
മലയാളം വാർത്തകൾ/ വാർത്ത/Kerala/
'സ്ഥാനാർത്ഥികളെ തീരുമാനിച്ചില്ല, മികച്ച സ്ഥാനാർത്ഥികളെ അണിനിരത്തും': മുല്ലപ്പള്ളി രാമചന്ദ്രൻ
