വൈദ്യുതി ലൈൻ വലിക്കുന്നതിനിടെ കെഎസ്ഇബി കരാർ ജീവനക്കാരൻ ഷോക്കേറ്റ് മരിച്ചു
- Published by:Asha Sulfiker
- news18-malayalam
Last Updated:
അപകടത്തെക്കുറിച്ച് വിശദമായ അന്വേഷണം നടത്തുമെന്നാണ് ഇലക്ട്രിക് ഇൻസ്പെക്ട്രേറ്റ് ഉദ്യോഗസ്ഥർ അറിയിച്ചിരിക്കുന്നത്.
കോട്ടയം: തിരുവഞ്ചൂരിൽ വൈദ്യുതി ലൈൻ വലിക്കുന്നതിനിടെ കെഎസ്ഇബി കരാർ ജീവനക്കാരൻ ഷോക്കേറ്റ് മരിച്ചു. ഈരാറ്റുപേട്ട ചെമ്മലമറ്റം സ്വദേശി ജോജോ ജോയി (37) ആണ് മരിച്ചത്. കഴിഞ്ഞ ദിവസം വൈകിട്ട് മൂന്ന് മണിയോടെ തിരുവഞ്ചൂർ ജംഗ്ഷന് സമീപം വച്ചായിരുന്നു അപകടം. ത്രീഫേസ് ആക്കുന്നതിനായി ലൈൻ വലിക്കുന്നതിനിടെ വൈദ്യതി ബന്ധം വിച്ഛേദിച്ചിരുന്ന ലൈനിൽ അപ്രതീക്ഷിതമായി വൈദ്യുതി പ്രവഹിക്കുകയായിരുന്നു എന്നാണ് അധികൃതരുടെ വിശദീകരണം.
രണ്ട് ട്രാൻസ്ഫോമറുകളുള്ള ഡബിൾ ലിങ്ക് പോസ്റ്റിലായിരുന്നു പണികൾ നടന്നിരുന്നത്. ഇത്തരത്തിൽ ഇന്റർലിങ്കിംഗ് പോസ്റ്റുകളിൽ പണികൾ നടക്കുമ്പോൾ രണ്ട് ഭാഗത്തുള്ള ട്രാൻസ്ഫോമറുകളിലും വൈദ്യുതി വിതരണം വിച്ഛേദിക്കാറാണ് പതിവ്. എന്നാൽ ഇവിടെ പണി പുരോഗമിക്കുന്നതിനിടെ ഒരു ലൈനിലൂടെ വൈദ്യുതപ്രവാഹം ഉണ്ടാവുകയായിരുന്നു. ഇതാണ് ദുരന്തത്തിൽ കലാശിച്ചത്.
ഷോക്കേറ്റ ജോയി അബോധാവസ്ഥയിലായെന്നാണ് മറ്റുതൊഴിലാളികൾ പറയുന്നത്. ഉടൻ തന്നെ പ്രാഥമിക ശുശ്രൂഷ നൽകി കോട്ടയം മെഡിക്കൽ കോളജിലെത്തിച്ചെങ്കിലും ജീവൻ രക്ഷിക്കാനായില്ല. അപകടത്തെക്കുറിച്ച് വിശദമായ അന്വേഷണം നടത്തുമെന്നാണ് ഇലക്ട്രിക് ഇൻസ്പെക്ട്രേറ്റ് ഉദ്യോഗസ്ഥർ അറിയിച്ചിരിക്കുന്നത്.
advertisement
വാഴയിൽ കോളനി പഴനിലത്ത് പരേതനായ ജോയിയുടെയും ആൻസിയുടെയും മകനാണ് ജോജോ. ഭാര്യ വീണ. ആബേൽ, അതുൽ, അൽഫിയ എന്നിവർ മക്കളാണ്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Sep 19, 2020 12:49 PM IST
മലയാളം വാർത്തകൾ/ വാർത്ത/Kerala/
വൈദ്യുതി ലൈൻ വലിക്കുന്നതിനിടെ കെഎസ്ഇബി കരാർ ജീവനക്കാരൻ ഷോക്കേറ്റ് മരിച്ചു
