കണ്ണൂരിൽ ജോലിക്കിടെ വൈദ്യുതക്കമ്പിയിൽ നിന്ന് ഷോക്കേറ്റ് കെഎസ്ഇബി കരാർ ജീവനക്കാരൻ മരിച്ചു

ചെറുവാഞ്ചേരി അമ്പലപ്പുഴ പാലത്തിന് സമീപം വൈദ്യുതക്കമ്പികളിൽ പ്ലാസ്റ്റിക് കേബിളുകൾ സ്ഥാപിക്കുന്നതിനിടെയാണ് അപകടം. വൈദ്യുതലൈനിൽ നിന്ന് ശക്തമായ ആഘാതമേൽക്കുകയായിരുന്നു. ഉടൻ തന്നെ സമീപത്തെ ചെറുവാഞ്ചേരി സാമൂഹികാരോഗ്യ കേന്ദ്രത്തിലും തുടർന്ന് തലശ്ശേരിയിലെ സ്വകാര്യ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.

ചന്ദ്രന്റെയും ലെനിയുടെയും മകനാണ് അമൽ. ഭാര്യ: നിരഞ്ജന. അഖിൽ, അർജുൻ എന്നിവർ സഹോദരങ്ങളാണ്. മൃതദേഹം പോസ്റ്റ്‌മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുകൊടുക്കും.