റിയൽ കേരളാ സ്റ്റോറി; മൊണാലിസയ്ക്കും ഫർമാനും കേരളത്തിൽ മാംഗല്യം; വിവാഹം ക്ഷേത്രമുറ്റത്ത്
- Published by:meera_57
- news18-malayalam
Last Updated:
മൊണാലിസ ബോസ്ലെയ്ക്കും ഫർമാൻ ഖാനും അരുമാനൂർ നയിനാർ ക്ഷേത്രത്തിൽ വിവാഹം
ഉത്തരേന്ത്യയിൽ പിറന്ന്, പ്രണയത്തിനായി കേരളത്തിൽ അഭയം തേടിയ കുംഭ മേള വൈറൽ സുന്ദരി മൊണാലിസയ്ക്ക് (Monalisa Bhosle) മാംഗല്യം. കാമുകൻ ഫർമാൻ ഖാനൊപ്പം തമ്പാനൂർ പോലീസ് സ്റ്റേഷനിൽ എത്തി സംരക്ഷണം തേടിയ ഇരുവർക്കും, വൈകുന്നേരം അരുമാനൂർ നയിനാർ മഹാദേവ ക്ഷേത്രത്തിൽ വിവാഹം നടന്നു. പൂവാറിലെ ഷൂട്ടിംഗ് സെറ്റിൽ നിന്നുമാണ്, ഒരേ സിനിമയിലെ അഭിനേതാക്കളായ മൊണാലിസയും ഫർമാനും പോലീസിൽ സഹായം തേടിയത്. വൈകുന്നേരത്തോടു കൂടിയായിരുന്നു വിവാഹം. യഥാർത്ഥ കേരളാ സ്റ്റോറിയാണ് ഇതെന്ന് വിവാഹവേളയിൽ മന്ത്രി വി. ശിവൻകുട്ടി പ്രതികരിച്ചു. സി.പി.എം. സംസ്ഥാന സെക്രട്ടറി എം.വി. ഗോവിന്ദന്റെ സാന്നിധ്യത്തിലായിരുന്നു ചടങ്ങ്.
ഇൻഡോർ സ്വദേശിയാണ് മൊണാലിസ. ഫർമാൻ മഹാരാഷ്ട്രയിൽ നിന്നുള്ളയാളാണ്.
വീട്ടുകാർ വിവാഹത്തിന് സമ്മതിക്കാത്തതായിരുന്നു 18 കാരിയായ മൊണാലിസയുടെ പ്രശ്നം. പിതാവിനെതിരെ അവർ പരാതിയും നൽകി. തിരുവനന്തപുരം പൂവാറിൽ ഷൂട്ടിംഗ് നടക്കുന്ന സമയത്ത് മൊണാലിസയും കാമുകൻ ഫർമാൻ ഖാനും സംരക്ഷണം തേടി തമ്പാനൂർ പോലീസിൽ എത്തുകയായിരുന്നു. ഇവരുവരും രണ്ടു മതവിഭാഗങ്ങളിൽ നിന്നുള്ളവരാണ്. മൊണാലിസയുടെ വീട്ടുകാർക്ക് അവരുടെ തന്നെ ഒരു ബന്ധുവിനെക്കൊണ്ട് മകളെ വിവാഹം ചെയ്യിക്കാനായിരുന്നു ആഗ്രഹം. പക്ഷെ മൊണാലിസയ്ക്ക് പ്രണയം ഫർമാനോട് മാത്രം. മലയാളം, തമിഴ് സിനിമാ മേഖലകളിലെ നടനും, മോഡലുമാണ് ഇദ്ദേഹം.
advertisement
കേരളത്തിൽ ബോബി ചെമ്മണ്ണൂരിന്റെ ജൂവലറിയുടെ ഉദ്ഘാടനത്തിനെത്തിയ സമയത്താണ് മൊണാലിസ കൂടുതൽ ശ്രദ്ധ നേടുന്നത്. മലയാള ഭാഷയോ ഒരു വാക്കോ പറയാൻ അറിയാതിരുന്ന മൊണാലിസയ്ക്ക് പക്ഷേ തിങ്ങിക്കൂടിയ ആരാധകരുടെ കാര്യത്തിൽ തെല്ലും പഞ്ഞമുണ്ടായിരുന്നില്ല. അറിയപ്പെടുന്ന ചലച്ചിത്ര താരങ്ങളെക്കൊണ്ട് ഉദ്ഘാടനം ചെയ്യിക്കാറുള്ള ബോബി ചെമ്മണ്ണൂരിന്റെ വ്യത്യസ്ത പരീക്ഷണമായിരുന്നു മൊണാലിസ. നിരവധി സംസ്ഥാനങ്ങളിൽ നിന്നും മൊണാലിസയ്ക്ക് സിനിമാ, മോഡലിംഗ് ഓഫറുകൾ വന്നുചേർന്നിരുന്നു. അതിനിടെയാണ് അവർ മലയാള സിനിമയിലും ഒരു കൈ പരീക്ഷണത്തിന് എത്തിച്ചേർന്നത്.
Summary: Born in North India, Kumbh Mela viral beauty Monalisa Bhosle, who sought refuge in Kerala for love, is all set to have a happy ending. The two, who had reached Thampanoor police station with her boyfriend Farman Khan and sought protection, got married in the evening at the Arumanoor Nainar temple. Monalisa and Farman, who are actors in the same film, had sought help from the police
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Mar 11, 2026 5:59 PM IST
മലയാളം വാർത്തകൾ/ വാർത്ത/Kerala/
റിയൽ കേരളാ സ്റ്റോറി; മൊണാലിസയ്ക്കും ഫർമാനും കേരളത്തിൽ മാംഗല്യം; വിവാഹം ക്ഷേത്രമുറ്റത്ത്
