Local Body Election 2020 | മരം മുറിക്കലിന് അനുമതി; തോട്ടം മേഖലയിലെ വോട്ട് ചോരില്ലെന്ന പ്രതീക്ഷയിൽ ഇടതുപക്ഷം

എന്നാല്‍, ബാക്കി നില്‍ക്കുന്ന ഭൂമി പ്രശ്‌നങ്ങളും നിർമാണ നിരോധനവും യു ഡി എഫിന് അനുകൂല സാഹചര്യം ഒരുക്കുമെന്നാണ് വലതുപക്ഷ വിശ്വാസം. ഇത്തവണ തദ്ദേശ തെരഞ്ഞെടുപ്പ് ഇരു മുന്നമികളുടെയും അഭിമാന പ്രശ്‌നമാണ്.

അതുകൊണ്ടു തന്നെ ഇരു മുന്നണികള്‍ക്കും ഇടുക്കിയില്‍ ഏറ്റവും സ്വാധീനമുള്ള തോട്ടം മേഖലയില്‍ കടുത്ത പോരാട്ടത്തിനാണ് കളം ഒരുങ്ങിയിരിക്കുന്നത്. പ്രചാരണ പ്രവര്‍ത്തനങ്ങളിലുള്ള മത്സരം ഇവിടെ ആരംഭിച്ചു കഴിഞ്ഞു. കാലങ്ങളായി നിലനിന്നിരുന്ന മരം മുറിക്കലിന് അടക്കം അനുമതി നല്‍കിയുള്ള സര്‍ക്കാര്‍ ഉത്തരവ് ഇടതുപക്ഷത്തിന് കരുത്തേകുമെന്ന പ്രതീക്ഷയിലാണ് പ്രവര്‍ത്തകര്‍.

എന്നാല്‍, കാലങ്ങളായി നിലനില്‍ക്കുന്ന ഭൂമി പ്രശ്‌നവും നിര്‍മ്മാണ നിരോധനവും ഇത്തവണ പ്രധാന പ്രചാരണ ആയുധമാക്കി തോട്ടം മേഖലയില്‍ സീറ്റുകൾ ഉറപ്പിക്കാനുള്ള നീക്കമാണ് യു ഡി എഫിന്റേത്. മൂന്നാര്‍ കേന്ദ്രീകരിച്ചുള്ള വികസനവും പെട്ടിമുടി ദുരന്ത ബാധിതരുടെയും. തോട്ടം തൊഴിലാളികളുടെയും കുറ്റിയാര്‍വാലിയിലെ പുനരധിവാസവുമെല്ലാം ഇടതുപക്ഷം നേട്ടങ്ങളായി ഉയര്‍ത്തിക്കാട്ടുമ്പോള്‍ കോൺഗ്രസിന് പ്രതിരോധം തീര്‍ക്കാന്‍ ഇത്തവണയും ഭൂമിപ്രശ്‌നവും നിർമാണ നിരോധനവും മാത്രമാണുള്ളത്.