മലപ്പുറത്ത് കാർ തീപിടിച്ചതിന് റോഡ് ഷോയിൽ പടക്കം പൊട്ടിച്ചതുമായി ബന്ധമില്ലെന്ന് എൽഡിഎഫ്

പടക്കം പൊട്ടിച്ചത് മൂലമാണ് വാഹനത്തിന് തീപിടിച്ചതെന്ന തരത്തിൽ ഇപ്പോൾ ചിലർ ബോധപൂർവ്വം കള്ളം പ്രചരിപ്പിക്കുകയാണ്. ഇത്തരം ദുഷ്പ്രചരണങ്ങൾക്ക് യാതൊരുവിധ സത്യവുമില്ല. സാങ്കേതിക കാരണങ്ങളാൽ ഉണ്ടായ ഒരു യാദൃശ്ചിക അപകടത്തെ റോഡ് ഷോയുമായി ബന്ധപ്പെടുത്തി കള്ളം പ്രചരിപ്പിക്കുന്നത് ജനങ്ങളെ തെറ്റിദ്ധരിപ്പിക്കാനാണ്.ദുരന്തമുഖങ്ങളിൽ പോലും കള്ളങ്ങൾ പ്രചരിപ്പിച്ച് രാഷ്ട്രീയ നേട്ടം കൊയ്യാൻ ശ്രമിക്കുന്ന ഇത്തരം നിഗൂഢ നീക്കങ്ങളെ പൊതുസമൂഹം തിരിച്ചറിയണമെന്നും യാഥാർത്ഥ്യം മറച്ചുവെച്ച് ജനവികാരം ഇളക്കിവിടാൻ ശ്രമിക്കുന്നവർ ഇത്തരം നീക്കങ്ങളിൽ നിന്ന് പിന്തിരിയണമെന്നും എൽഡിഎഫ് നേതൃത്വം ആവശ്യപ്പെട്ടു.