‘ശ്വസിക്കുന്ന വായുവിൽപോലും ബിജെപി വിരുദ്ധത ഉള്ളവരാണ് ഇടതുപക്ഷക്കാർ; അത് അവസാന ശ്വാസം വരെ ഉണ്ടാകും'; മുഹമ്മദ് റിയാസ്

കോഴിക്കോട്: ശ്വസിക്കുന്ന വായുവിൽ പോലും ബിജെപി വിരുദ്ധവും വർഗീയ വിരുദ്ധവുമായ നിലപാടാണുള്ളതെന്ന് മന്ത്രി മുഹമ്മദ് റിയാസ്. ഇടതുപക്ഷത്തിന്റെ ബിജെപി വിരുദ്ധത ഇല്ലാതാക്കാൻ ജീവനെടുത്താൽ മാത്രമേ സാധിക്കുവെന്നും മതനിരപേക്ഷ കേരളം കൃഷ്ണമണി പോലെ ഇടതുപക്ഷത്തെ കാക്കുമെന്നും മന്ത്രി പറഞ്ഞു. കോട്ടുളി എയുപി സ്കൂളിൽ വോട്ട് രേഖപ്പെടുത്തിയ ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.