പരിഹസിക്കരുത്! അധ്വാനിച്ച് ജീവിക്കുന്ന ആളാണ് വൈറലായ ബാബു സാമി

ബാബു സാമി ആരെന്ന് അറിയാത്തവരായി കേരളത്തിൽ ആരെങ്കിലും ഉണ്ടാകുമോ? സോഷ്യൽ മീഡിയയിലൂടെ പ്രേക്ഷകർ പരിചയിച്ച നാഗ സൈരന്ധ്രിക്കൊപ്പം പൊതുവേദി പങ്കിട്ടതോടു കൂടിയാണ് ബാബു സാമി ഹിറ്റായത്. അത്രയും കാലം, അദ്ദേഹം തന്റെ ജീവിതവുമായി മുന്നോട്ടു പൊയ്ക്കൊണ്ടിരുന്ന ഒരു സാധാരണ മനുഷ്യൻ. വേദിയിൽ വച്ച് ബാബു സാമി ആരെന്ന് നാഗസൈരന്ധ്രി ആമുഖം നൽകി. ബാബു സാമി തന്റെ ക്ഷേത്രത്തിൽ വന്നിട്ടുണ്ട്, തന്റെ മനോഹരമായ ദിനങ്ങളായിരുന്നു അത്. ബാബു സാമി നന്നായി നൃത്തം ചെയ്യും തുടങ്ങിയ കാര്യങ്ങൾ അവിടെ കൂടിയിരുന്നവരുമായി അവർ പങ്കിട്ടു. തന്നെ കുറിച്ച് നല്ല വാക്കുകൾ പറഞ്ഞ നാഗസൈരന്ധ്രിയുടെ കൈകൾ ചേർത്തുപിടിച്ച് ബാബു സാമി നന്ദി പ്രകാശിപ്പിച്ചു. ഇതായിരുന്നു സംഭവം.