Local Body Elections 2020 | സ്ഥാനാർഥിയാകാൻ എത്ര രൂപ കെട്ടിവയ്ക്കണം; എത്ര രൂപ ചെലവഴിക്കാം; അറിയേണ്ടതെല്ലാം
- Published by:Aneesh Anirudhan
- news18-malayalam
Last Updated:
തദ്ദേശ തിരഞ്ഞെടുപ്പിൽ മത്സരിക്കുന്ന സ്ഥാനാർഥികൾ 30 ദിവസത്തിനകം ചെലവിന്റെ കണക്കുകൾ സമർപ്പിക്കണം
തിരുവനന്തപുരം: സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് മൂന്ന് ഘട്ടങ്ങളിലായി ഡിസംബര്‍ 8, 10, 14 തിയതികളിൽ നടക്കുമെന്ന് സംസ്ഥാന തെരഞ്ഞെടുപ്പ് കമ്മീഷന്‍ അറിയിച്ചു. ഡിസംബര്‍ 16 ന് വോട്ടണ്ണും. രാവിലെ 8 മണിക്ക് വോട്ടെണ്ണൽ ആരംഭിക്കും. മാതൃകാ പെരുമാറ്റച്ചട്ടം വെള്ളിയാഴ്ച മുതൽ നിലവിൽ വന്നതായി സംസ്ഥാന തെഞ്ഞെടുപ്പ് കമ്മീഷണർ വി ഭാസ്കരൻ അറിയിച്ചു.
തദ്ദേശ തെരഞ്ഞെടുപ്പ് വോട്ടർ പട്ടികയിൽ ഇക്കുറി 2,71,20,823 പേരാണുള്ളത്. 2.51 കോടി വോട്ടർമാരാണ് 2015 ലെ പട്ടികയിലുണ്ടായിരുന്നത്. അഞ്ച് വർഷംകൊണ്ട് വോട്ടർമാരുടെ എണ്ണത്തിൽ 20 ലക്ഷത്തോളമാണ് വർധന. ഭൂരിപക്ഷവും സ്ത്രീ വോട്ടർമാരാണെന്ന പ്രത്യേകതയുമുണ്ട്. സപ്ലിമെന്ററി വോട്ടർ പട്ടിക 10നു പ്രസിദ്ധീകരിക്കും. കഴിഞ്ഞ മാസം 31 വരെ ലഭിച്ച അപേക്ഷകളും ആക്ഷേപങ്ങളും പരിശോധിച്ചാണിത്.
advertisement
കെട്ടിവയ്ക്കേണ്ട തുക (രൂപ)
- ഗ്രാമ പഞ്ചായത്ത് 1000
- ബ്ലോക്ക് പഞ്ചായത്ത് 2000
- ജില്ലാ പഞ്ചായത്ത് 3000
- മുനിസിപ്പാലിറ്റി 2000
- കോർപറേഷൻ 3000
പട്ടികവിഭാഗ സ്ഥാനാർഥികൾക്കു പകുതി തുക മാത്രം.
സ്ഥാനാർഥികൾക്ക് ചെലവഴിക്കാവുന്ന തുക
തിരുവനന്തപുരം ∙ തിരഞ്ഞെടുപ്പിൽ സ്ഥാനാർഥികൾക്കു ചെലവഴിക്കാവുന്ന തുകയുടെ പരിധി ഇരട്ടിയിലേറെയാക്കി. ഉയർത്തിയ തുക (നിലവിലെ തുക ബ്രാക്കറ്റിൽ)
advertisement
- ഗ്രാമ പഞ്ചായത്ത് 25,000 രൂപ (10,000 രൂപ)
- ബ്ലോക്ക് പഞ്ചായത്ത്/ മുനിസിപ്പാലിറ്റി
- 75,000 രൂപ (30,000 രൂപ)
- ജില്ലാ പഞ്ചായത്ത്/ കോർപറേഷൻ
- ഒന്നര ലക്ഷം രൂപ (60,000 രൂപ)
ചെലവ് കണക്കുകൾ 30 ദിവസത്തിനകം
തദ്ദേശ തിരഞ്ഞെടുപ്പിൽ മത്സരിക്കുന്ന സ്ഥാനാർഥികൾ 30 ദിവസത്തിനകം ചെലവിന്റെ കണക്കുകൾ സമർപ്പിക്കണമെന്നു തിരഞ്ഞെടുപ്പ് കമ്മിഷണർ പറഞ്ഞു.
ആകെ ബൂത്തുകൾ 34,744
തദ്ദേശ തിരഞ്ഞെടുപ്പിൽ സംസ്ഥാനത്ത് ഇത്തവണ 34,744 പോളിങ് ബൂത്തുകൾ. കഴിഞ്ഞ തിരഞ്ഞെടുപ്പിൽ 34,423 ബൂത്തുകളുണ്ടായിരുന്നു. 321 ബൂത്തുകളുടെ വർധന.
advertisement
- 941 പഞ്ചായത്തുകളിൽ 29,321
- 86 മുനിസിപ്പാലിറ്റികളിൽ 3422
- 6 കോർപറേഷനുകളിൽ 2001
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
November 07, 2020 7:05 AM IST
മലയാളം വാർത്തകൾ/ വാർത്ത/Kerala/
Local Body Elections 2020 | സ്ഥാനാർഥിയാകാൻ എത്ര രൂപ കെട്ടിവയ്ക്കണം; എത്ര രൂപ ചെലവഴിക്കാം; അറിയേണ്ടതെല്ലാം
