'എന്തൊരു പച്ചക്കള്ളമാണ്' ; മണിയൻപിള്ള രാജുവിന്റെ കാറപകടത്തിൽ യുവാക്കൾക്കെതിരെ മാധവ് സുരേഷ്

തിരുവനന്തപുരം: നടൻ മണിയൻപിള്ള രാജുവിന്റെ കാറും യുവാക്കൾ സഞ്ചരിച്ച ബൈക്കും അപകടത്തിൽപെട്ടതുമായി ബന്ധപ്പെട്ട് രൂക്ഷ പ്രതികരണവുമായി സുരേഷ് ഗോപിയുടെ മകനും നടനുമായ മാധവ് സുരേഷ്. അപകടത്തിന് പിന്നാലെ യുവാക്കൾ മാധ്യമങ്ങൾക്ക് നൽകിയ മൊഴിയും സിസിടിവി ദൃശ്യങ്ങളും തമ്മിൽ വലിയ വൈരുദ്ധ്യമുണ്ടെന്ന് ചൂണ്ടിക്കാട്ടിയാണ് നടൻ മാധവ് സുരേഷ് രംഗത്തെത്തിയത്. യുവാക്കൾ പച്ചക്കള്ളം പറഞ്ഞ് ഒരാളെ അനാവശ്യമായി കുഴപ്പത്തിൽ ചാടിക്കുകയാണെന്നും ഇവർക്കെതിരെ മാനനഷ്ടത്തിന് കേസ് കൊടുക്കണമെന്നും മാധവ് ഇൻസ്റ്റഗ്രാം സ്റ്റോറിയിലൂടെ ആവശ്യപ്പെട്ടു.