മലപ്പുറത്ത് കാറിൻ്റെ സൈലൻസറിൽ നിന്ന് തീ ! 22,500 രൂപ പിഴ

മലപ്പുറം നിലമ്പൂരിൽ സെലൻസറിൽ നിന്ന് തീ തുപ്പി പാഞ്ഞ കാർ പൊലീസ് പിടികൂടി. വണ്ടൂർ പുളിക്കൽ സ്വദേശിയായ യുവാവിന്റെ കാറാണ് പിടികൂടിയത്.23ന് രാത്രി നിലമ്പൂർ ചന്തക്കുന്ന് മൾട്ടിപ്ലക്സ് തിയറ്ററിന്റെ പാർക്കിംഗിൽ മറ്റ് വാഹനങ്ങ നിറുത്തിയിട്ടതിന്റെ ഇടയിൽ വച്ച് കാറിലെ സൈലൻസറിൽ നിന്ന് തീ തുപ്പുന്ന വീഡിയോ സമൂഹമാധ്യമങ്ങളിൽ പ്രചരിച്ചിരുന്നു. ഈ വീഡിയോ ശ്രദ്ധയിൽപ്പെട്ടതിനെത്തുടർന്നാണ് ഇൻസ്പെക്ടർ സുനിൽ പുളിക്കലിന്റെ നിർദേശപ്രകാരം പൊലീസ് വാഹനം കസ്റ്റഡിയിലെടുത്തത്. തുടർന്ന് എഎംവിഐ എ.അജിത് കുമാർ വാഹനം പരിശോധിച്ച് 22,500 രൂപ പിഴയിടുകയായിരുന്നു.