മമ്മൂട്ടി റഫീഖിനോട് വീഡിയോ കോളിൽ; 'അപമാനിക്കാൻ ഉദ്ദേശിച്ചില്ല; വിവാദമാവുമെന്ന് കരുതിയില്ല’

കഴിഞ്ഞ ദിവസം ടൗൺഷിപ്പ് സന്ദർശിക്കാനെത്തിയ മമ്മൂട്ടി, നേതാക്കൾക്കൊപ്പം നടക്കുന്നതിനിടെയാണ് റഫീഖിനോട് നീരസം പ്രകടിപ്പിച്ചത്. "നിങ്ങൾ എപ്പോഴും എന്റെയൊപ്പം നടന്നാൽ ഞാൻ നിങ്ങൾക്കുവേണ്ടി വന്നതാണെന്ന് ആളുകൾ തെറ്റിദ്ധരിക്കില്ലേ" എന്നായിരുന്നു മമ്മൂട്ടിയുടെ പരാമർശം. ഇതിന്റെ വീഡിയോ ദൃശ്യങ്ങൾ പുറത്തുവന്നതോടെ സോഷ്യൽ മീഡിയയിൽ മമ്മൂട്ടിക്കെതിരെ കടുത്ത സൈബർ ആക്രമണം നടന്നിരുന്നു.

സിപിഎം അഖിലേന്ത്യാ ജനറൽ സെക്രട്ടറി എം.എ. ബേബിയുടെ സന്ദർശനത്തിന് പിന്നാലെയാണ് മമ്മൂട്ടിയും നിർമ്മാതാവ് ആന്റോ ജോസഫും സ്ഥലത്തെത്തിയത്. നേരത്തെ തന്നെ അവിടെയുണ്ടായിരുന്ന കെ. റഫീഖ് ഉൾപ്പെടെയുള്ള നേതാക്കൾ മമ്മൂട്ടിയെ സ്വീകരിക്കുകയും കൂടെ നടക്കുകയും ചെയ്തപ്പോഴാണ് വിവാദ പരാമർശം ഉണ്ടായത്. മമ്മൂട്ടിയുടെ വിശദീകരണത്തോട് റഫീഖ് ഇതുവരെ പരസ്യമായി പ്രതികരിച്ചിട്ടില്ല.