HOME » NEWS » Kerala » METROMAN KEEPS HIS WORD DESPITE LOSING ELECTION

തോറ്റെങ്കിലും പറഞ്ഞ വാക്കിൽ നിന്ന് മെട്രോമാൻ മാറിയില്ല; മധുരവീരൻ കോളനിക്ക് നൽകിയ വാഗ്ദാനം പാലിച്ചു

തങ്ങൾക്ക് വൈദ്യുതി ലഭ്യത ഉറപ്പാക്കണമെന്ന് ആയിരുന്നു കോളനിയിലെ നിരവധി കുടുംബങ്ങൾ അന്ന് ശ്രീധരന് മുമ്പാകെയെത്തി ആവശ്യപ്പെട്ടത്.

News18 Malayalam | news18
Updated: May 19, 2021, 12:30 PM IST
തോറ്റെങ്കിലും പറഞ്ഞ വാക്കിൽ നിന്ന് മെട്രോമാൻ മാറിയില്ല; മധുരവീരൻ കോളനിക്ക് നൽകിയ വാഗ്ദാനം   പാലിച്ചു
E Sreedharan
  • News18
  • Last Updated: May 19, 2021, 12:30 PM IST
  • Share this:
പാലക്കാട്: വാക്കു നൽകിയത് പാലിക്കാൻ നിയമസഭാ തെരഞ്ഞെടുപ്പിലേറ്റ പരാജയം മെട്രോമാൻ ഇ ശ്രീധരന് ഒരു തടസമായില്ല. അതിന്റെ ഗുണഭോക്താക്കളായത് മധുരവീരൻ കോളനിയിലെ കുറേ സാധാരണക്കാരായ മനുഷ്യരും. സ്ഥാനാർത്ഥിയായി എത്തിയയാൾ വാഗ്ദാനം പാലിച്ചപ്പോൾ മധുരവീരൻ കോളനിയിലെ കുറേ കുടുംബങ്ങളിലേക്ക് കൂടി കഴിഞ്ഞിദിവസം വൈദ്യതിവെളിച്ചമെത്തി.

ഇക്കഴിഞ്ഞ നിയമസഭാ തെരഞ്ഞെടുപ്പിൽ പാലക്കാട് നിയമസഭാ മണ്ഡലത്തിൽ ബി ജെ പി സ്ഥാനാർത്ഥി ആയിരുന്നു ഇ ശ്രീധരൻ. തെരഞ്ഞെടുപ്പ് പ്രചാരണത്തിന് നഗരസഭ മൂന്നാം വാർഡിൽ ഉൾപ്പെട്ട മധുരവീരൻ കോളനിയിൽ എത്തിയപ്പോൾ ആയിരുന്നു സഹായ അഭ്യർത്ഥനയുമായി അവിടുത്തെ നിരവധി കുടുംബങ്ങൾ ഇ ശ്രീധരന്റെ മുമ്പാകെ എത്തിയത്.

മഴക്കാലം ആസ്വദിക്കാൻ സണ്ണി ലിയോൺ കേരളത്തിൽ; ചിത്രങ്ങൾ ഏറ്റെടുത്ത് ആരാധകർ

തങ്ങൾക്ക് വൈദ്യുതി ലഭ്യത ഉറപ്പാക്കണമെന്ന് ആയിരുന്നു കോളനിയിലെ നിരവധി കുടുംബങ്ങൾ അന്ന് ശ്രീധരന് മുമ്പാകെയെത്തി ആവശ്യപ്പെട്ടത്. കുടിശ്ശിക തീർക്കാൻ സഹായിക്കണമെന്നും അഭ്യർത്ഥിച്ചു. തെരഞ്ഞെടുപ്പിൽ ജയിച്ചാലും തോറ്റാലും ആ സഹായം ഉറപ്പു നൽകിയാണ് മെട്രോമാൻ മടങ്ങിയത്.

കോവിൻ ആപ്പ് ഉപയോഗിക്കാൻ പ്രയാസമുണ്ടോ? പുതിയ ആപ്പുമായി NIT, IIM പൂർവവിദ്യാർത്ഥികൾ

തെരഞ്ഞെടുപ്പിൽ യു ഡി എഫ് സ്ഥാനാർത്ഥിയായ ഷാഫ് പറമ്പിലിനോട് പരാജയപ്പെട്ടെങ്കിലും വാഗ്ദാനം പാലിക്കുന്ന കാര്യത്തിൽ അദ്ദേഹം ട്രാക്ക് മാറിയില്ല. ഒമ്പത് കുടുംബങ്ങൾക്ക് വൈദ്യുതി കണക്ഷൻ ലഭ്യമാക്കാനുള്ള തുകയും ബാക്കിയുള്ളവരുടെ വൈദ്യുതി കുടിശികയും തീർക്കാൻ 81, 525 രൂപയുടെ ചെക്ക് അദ്ദേഹം കെ എസ് ഇ ബി കൽപാത്തി സെക്ഷൻ അസിസ്റ്റന്റ് എഞ്ചിനീയറുടെ പേരിൽ അയച്ചു നൽകുകയായിരുന്നു. നഗരസഭ ഉപാധ്യക്ഷൻ ഇ കൃഷ്ണദാസ് ഇതിന്റെ സമ്മതപത്രവും കൈമാറി.

'ഉഷാ മോഹൻദാസിന്റെ ആരോപണത്തിൽ കഴമ്പില്ല:' ഗണേഷ് കുമാറിന് പിന്തുണയുമായി സഹോദരി ബിന്ദു

മെട്രോമാൻ വാക്ക് പാലിച്ചതോടെ മധുരവീരൻ കോളനിയിലെ സാധാരണക്കാർക്ക് വൈദ്യുതി ലഭിച്ചു. ചടങ്ങിൽ വാർഡ് തല ആർ ആർ ടി അംഗങ്ങൾക്ക് പൾസ് ഓക്സിമീറ്ററും വിതരണം ചെയ്തു. വാർഡ് കൗൺസിലർ വി നടേശൻ അധ്യക്ഷനായി. സ്ഥിരം സമിതി അധ്യക്ഷൻ പി സ്മിതേഷ്, ആശാ പ്രവർത്തക സെമീന എന്നിവർ പങ്കെടുത്തു.
Published by: Joys Joy
First published: May 19, 2021, 12:30 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories