'പോറ്റിയെ ആര് സോണിയയുടെ അടുത്തെത്തിച്ചു എന്നതില്‍ വ്യക്തത വരുത്തൂ'; പാരഡി പാടിയ രാഹുലിനോട് പി രാജീവ്

പത്തനംതിട്ടയിലെ തെരഞ്ഞെടുപ്പ് പ്രചാരണത്തിനിടെ കോൺഗ്രസ് നേതാവ് രാഹുൽ ഗാന്ധി 'പോറ്റിയേ കേറ്റിയേ' എന്ന പാരഡി ഗാനത്തിലെ വരികൾ പാടിയതിനെതിന് മറുപടിയുമായി മന്ത്രി പി. രാജീവ്. സോണിയ ഗാന്ധിയുടെ പേര് ശബരിമലയിലെ സ്വർണ്ണക്കൊള്ളയിൽ എങ്ങനെ വന്നു എന്നതിലാണ് രാഹുൽ ആദ്യം വ്യക്തത വരുത്തേണ്ടതെന്ന് പി. രാജീവ് പറഞ്ഞു. സോണിയ ഗാന്ധിയുടെ മകൻ കൂടിയാണ് രാഹുൽ ഗാന്ധി. സോണിയാ ഗാന്ധിയുടെ വസതിയിലേക്ക് സ്വർണ്ണം മോഷ്ടിച്ചവരും വിറ്റവരും വാങ്ങിയവരും ഒരേപോലെ എത്തിയത് എങ്ങനെ എന്ന നിഗൂഢത രാഹുൽ വെളിപ്പെടുത്തണമെന്നും അദ്ദേഹം റിപ്പോർട്ടർ ടിവിയോട് പറഞ്ഞു.