ഓഫീസുകളുടെ പ്രവര്ത്തനത്തിന് കൂടുതല് നിയന്ത്രണം; ഓഫീസുകളില് 25 ശതമാനം ജീവനക്കാര് മാത്രം
- Published by:Jayesh Krishnan
- news18-malayalam
Last Updated:
സംസ്ഥാനത്ത് ചൊവ്വാഴ്ച മുതല് 25 ശതമാനം ജീവനക്കാര് മാത്രം ഓഫീസുകളില് എത്തിയാല് മതി
തിരുവനന്തപുരം: ഓഫീസുകളുടെ പ്രവര്ത്തനത്തിന് കൂടുതല് നിയന്ത്രണം ഏര്പ്പെടുത്തി സര്ക്കാര്. സംസ്ഥാനത്ത് ചൊവ്വാഴ്ച മുതല് 25 ശതമാനം ജീവനക്കാര് മാത്രം ഓഫീസുകളില് എത്തിയാല് മതി. ബാക്കി ജീവനക്കാര് വര്ക്ക് ഫ്രം ഹോം ഏര്പ്പെടുത്തണം. സര്ക്കാര് സ്വകാര്യ സ്ഥാപനങ്ങള്ക്ക് ഉത്തരവ് ബാധകമാണ്.
അതേസമയം നിയന്ത്രണത്തില് നിന്ന് അവശ്യ സര്വീസുകള്ക്ക് ഇളവ് നല്കിയിട്ടുണ്ട്. ആരോഗ്യ സ്ഥാപനങ്ങള്, ഫാര്മസി, ഭക്ഷണസാധനങ്ങള് വില്ക്കുന്ന കടകള്, ബൈക്കറികള്, പോസ്റ്റല്/ കുറിയര് സര്വീസ്, പൊതുഗതാഗതത്തിന് തടസമുണ്ടാകില്ല.
അവശ്യസേവനവുമായി ബന്ധപ്പെട്ട് പ്രവര്ത്തിക്കുന്ന കമ്പനികള്, വ്യവസായ ശാലകള്, സംഘടനകള് എന്നിവയ്ക്ക് 24 മണിക്കൂറും പ്രവര്ത്തിക്കാം. ഇത്തരം മേഖലകളില് പ്രവര്ത്തിക്കുന്നവര് അതാത് സ്ഥാപനങ്ങള് അനുവദിക്കുന്നസാധുവായ തിരിച്ചറിയല് രേഖപ്രകാരം മാത്രമായിരിക്കും യാത്ര അനുവദിക്കും.
advertisement
മെഡിക്കല് ഓക്സിജന് വിന്യാസം ഉറപ്പുവരുത്തണം. എന്നാല് ഓക്സിജന് ടെക്നീഷ്യന്മാര്, ആരോഗ്യ-ശുചീകരണ മേഖലയില് പ്രവര്ത്തിക്കുന്നവര് എന്നിവര് സ്ഥാപനങ്ങളുടെ തിരിച്ചറിയല് രേഖ കൈയില് കരുതണം.
ടെലികോം സര്വീസ്, അടിസ്ഥാന സൗകര്യം, ഇന്റര്നെറ്റ് സേവന ദാതാക്കള്, പെട്രോനെറ്റ്, പെട്രോളിയം, എല്പിജി യൂണിറ്റുകള് എന്നിവ അവശ്യ സേവന വിഭാഗത്തില് ഉള്പ്പെടുത്തിയിട്ടു.
ആശുപത്രി ഫാര്മസികള്, പത്രമാധ്യമങ്ങള്, ഭക്ഷണം, പലചരക്ക് കടകള്, പഴക്കടകള്, പാല്-പാലുല്ന്നങ്ങള് എന്നിവ വില്ക്കുന്ന കേന്ദ്രങ്ങള്, ഇറച്ചി-മത്സ്യ വിപണ കേന്ദ്രങ്ങള്, കള്ള് ഷാപ്പുകള് എന്നിവയ്ക്ക് മാത്രം പ്രവര്ത്തിക്കാം.
advertisement
ആളുകള് പുറത്തേിറക്കി സാധനങ്ങള് വാങ്ങുന്നതിന് പകരം ഹോം ഡെലിവറി പ്രോത്സാഹിപ്പിക്കും. എല്ലാ പ്രവര്ത്തനങ്ങളിലും കോവിഡ് പ്രോട്ടോക്കോള് പാലിക്കണം.
ആളുകള് പുറത്തേിറക്കി സാധനങ്ങള് വാങ്ങുന്നതിന് പകരം ഹോം ഡെലിവറി പ്രോത്സാഹിപ്പിക്കും. എല്ലാ പ്രവര്ത്തനങ്ങളിലും കോവിഡ് പ്രോട്ടോക്കോള് പാലിക്കണം.
എല്ലാ സ്ഥാപനങ്ങളിലും ജീവനക്കാരും ഉടമകളും ഇരട്ട മാസ്ക് ഉപയോഗിക്കണം. രാത്രി ഒന്പതു മണിക്കു മുന്പ് കടകള് അടക്കണം. റെസ്റ്റോറന്റുകളിലും ഭക്ഷണശാലകളിലും പാഴ്സല് മാത്രം അനുവദിക്കും.
ബാങ്കുകള് രാവിലെ 10 മുതല് ഉച്ചയ്ക്ക് ഒന്നുവരെ മാത്രം പൊതുജനങ്ങള്ക്കായി പ്രവര്ത്തിക്കും.
advertisement
വിവാഹത്തിന് പരമാവധി 50 പേര്ക്കും മരണാനന്തര ചടങ്ങുകളില് പരമാവധി 20 പേര്ക്കും പങ്കെടുക്കാം.
അതിഥി തൊഴിലാളികള്ക്ക് അവരുടെ മേഖലകളില് കോവിഡ് പ്രോട്ടോക്കോള് പാലിച്ച് ജോലിചെയ്യാം.
ആരാധനാലയങ്ങളില് പരമാവധി 50 പേര്ക്ക് എത്താം. എന്നാല് അരാധനാലയങ്ങളുടെ വലിപ്പം അനുസരിച്ച് ഇതില് വ്യത്യാസം വരാം.
എല്ലാതരത്തിലുമുള്ള സിനിമ- സീരിയല് ചിത്രീകരണങ്ങള് നിര്ത്തിവെക്കണം.
ദീര്ഘദൂര ബസുകള്, ട്രെയിന്, പൊതുഗതാഗത സംവിധാനങ്ങള് എന്നിവയുടെ പ്രവര്ത്തനങ്ങള് അനുവദിക്കും.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
May 03, 2021 9:51 PM IST
മലയാളം വാർത്തകൾ/ വാർത്ത/Kerala/
ഓഫീസുകളുടെ പ്രവര്ത്തനത്തിന് കൂടുതല് നിയന്ത്രണം; ഓഫീസുകളില് 25 ശതമാനം ജീവനക്കാര് മാത്രം
