'എന്തു ജോലിക്കും പോകും; ഒരിക്കലും വെറുതെ ഇരിക്കില്ല'; മാലിന്യത്തിൽ അകപ്പെട്ട ജോയി തിരിച്ചുവരുമെന്ന പ്രതീക്ഷയില്‍ അമ്മ

തിരുവനന്തപുരം: തിരുവനന്തപുരത്തെ ആമയിഴഞ്ചാൻ തോട്ടിൽ ശുചീകരണ തൊഴിലാളി ജോയിയെ കാണാതായിട്ട് 30 മണിക്കൂർ പിന്നീടുമ്പോൾ മകൻ തിരിച്ചുവരുമെന്ന് പ്രതീക്ഷയിലാണ് അമ്മ മെൽഹി. പെരുങ്കടവിള പഞ്ചായത്തിലെ വടകര മലഞ്ചരിവിലെ ഒറ്റമുറി ഷീറ്റിട്ട വീട്ടിലാണ് അമ്മ മെൽഹിയും മകൻ ജോയിയും താമസിക്കുന്നത്. കുടുംബത്തിന്റെ ഏക അത്താണിയാണ് ജോയി. രാവിലെ ആറ് മണിക്ക് ജോലിക്കു പോകുന്നുവെന്ന് പറഞ്ഞ് പോയ ജോയി തിരികെ എത്താത്തതിന്റെ സങ്കടത്തിലാണ് അമ്മ മെൽഹി.