ഫാത്തിമ തെഹ്‌ലിയക്കായി വെൽഫെയർ പാർട്ടി കൺവെൻഷൻ; മാധ്യമങ്ങൾ അറിഞ്ഞതോടെ സ്ഥാനാർത്ഥി ആശുപത്രിയിൽ 

യുഡിഎഫ് സ്ഥാനാർത്ഥി ഫാത്തിമ തെഹ്‌ലിയക്കായി വെൽഫെയർ പാർട്ടി പേരാമ്പ്ര ചങ്ങരോത്ത് പഞ്ചായത്തിൽ പ്രത്യേക കൺവൻഷൻ സംഘടിപ്പിച്ചു. സംസ്ഥാന അധ്യക്ഷൻ റസാഖ് പാലേരി പങ്കെടുത്ത  ചടങ്ങിൽ ഫാത്തിമ തെഹ്‌ലിയ എത്തുമെന്ന് നേരത്തെ അറിയിച്ചിരുന്നു. ഇതിനായി നോട്ടീസുകൾ അടിച്ച് വിപുലമായ പ്രചാരണവും നടത്തിയിരുന്നു. എന്നാൽ, കൺവൻഷൻ നടക്കാനിരുന്ന സ്ഥലത്തേക്ക് മാധ്യമങ്ങൾ എത്തിയതോടെ സ്ഥാനാർത്ഥി പരിപാടിയിൽ നിന്ന് പിൻമാറുകയായിരുന്നു. അനാരോഗ്യം കാരണമാണ് ഫാത്തിമ തെഹ്‌ലിയ എത്താതിരുന്നതെന്നാണ് ഇതിന് നൽകുന്ന വിശദീകരണം. ജമാഅത്തെ ഇസ്ലാമിയുടെ രാഷ്ട്രീയ മുഖമാണ് വെൽഫെയർ പാർട്ടി.