ഷൗക്കത്തിന് എതിരായ പരാമർശം പിൻവലിച്ചാൽ അസോ‌ഷ്യേറ്റ് മെമ്പറാക്കാം: തീരുമാനം അൻവറിനെ അറിയിച്ചെന്ന് അടൂർ പ്രകാശ്

നലമ്പൂരിലെ യുഡിഎഫ് സ്ഥാനാർത്ഥിയായ ആര്യാടൻ ഷൗക്കത്തിനെതിരായ പരാമര്‍ശം പിൻവലിച്ചാൽ യുഡിഎഫിൽ അസോ‌ഷ്യേറ്റ് മെമ്പറാക്കാമെന്ന മുന്നിണി യോഗത്തിലെ തീരുമാനം പിവി അൻവറിനെ അറിയിച്ചതായി അടൂർ പ്രകാശ് പറഞ്ഞു. പരാമർശങ്ങൾ പിൻവലിച്ച് യുഡിഎഫ് സ്ഥാനാർത്ഥിക്ക് പിന്തുണ പ്രഖ്യാപിച്ചാൽ മുന്നണിയിൽ അസോഷ്യേറ്റ് മെമ്പറാക്കാമെന്ന് യുഡിഎഫ് യോഗത്തിൽ ഏകകണ്ഠമായി തീരുമാനമെടുത്തിരുന്നു. ഇക്കാര്യം അൻവറിനെ ടെലിഫോൺ വഴി അറിയിക്കുകയും ചെയ്തു. തുടർന്നും എല്ലാകാര്യങ്ങളിലും യുഡിഎഫുമായി സഹകരിച്ച് മുന്നോട്ട് പോകണമെന്ന് അൻവറിനോട് ആവശ്യപ്പെട്ടിട്ടുണ്ട്. അതിന് അനുയോജ്യമായ തീരുമാനം അൻവറെടുക്കുമെന്നാണ് കരുതുന്നതെന്നും അടൂർ പ്രകാശ് പറഞ്ഞു.