'എന്റെ അനിയനാണ്;' അനിൽ ആൻ്റണിയുടെ പത്തനംതിട്ടയിലെ തെരഞ്ഞെടുപ്പ് പ്രചാരണ പരിപാടിയില് പത്മജ വേണുഗോപാല്
- Published by:Vishnupriya S
- news18-malayalam
Last Updated:
ഈ തെരഞ്ഞെടുപ്പോടെ എഐസിസി ആസ്ഥാനം അടച്ചു പൂട്ടേണ്ടി വരുമെന്നും പത്മജ പറഞ്ഞു.
പത്തനംതിട്ട: അനിൽ ആന്റണി തന്റെ അനിയനാണെന്ന് പത്മജ വേണുഗോപാൽ. പത്തനംതിട്ടയിലെ അനില് ആന്റണിയുടെ തെരഞ്ഞെടുപ്പ് പ്രചാരണ കണ്വെൻഷനില് പങ്കെടുത്ത് സംസാരിക്കുകയായിരുന്നു പത്മജ. കെ കരുണാകരനും എ കെ ആന്റണിയും ഗ്രൂപ്പ് കളിച്ചപ്പോഴും അനിൽ ആന്റണിയുമായി നല്ല അടുപ്പമുണ്ടായിരുന്നുവെന്നും തനിക്ക് വേണ്ടി പ്രവർത്തിക്കാൻ വന്ന ആളാണെന്നും അതുകൊണ്ട് അനിലിന് വേണ്ടി ഇവിടെ എത്തിയെന്നും പത്മജ വേണുഗോപാല് പറഞ്ഞു.
അടുത്ത നിയമസഭ തെരഞ്ഞെടുപ്പിൽ ബിജെപി അധികാരത്തിൽ വരും. കരുണാകരന്റെ മകൾ എന്ന രീതിയിലാണ് ഇക്കാര്യം പറയുന്നത്. ഈ തെരഞ്ഞെടുപ്പിൽ ബിജെപി കേരളത്തില് അക്കൗണ്ട് തുറക്കും. കെ. കരുണകാരന്റെ മകൾ ആയതിനാൽ വേദിയിൽ കോണ്ഗ്രസിന്റെ പരിപാടികളില് ഒരു മൂലയിൽ ആയിരുന്നു സ്ഥാനമെന്ന് പത്മജ വേണുഗോപാല് പറഞ്ഞു.
കോണ്ഗ്രസില് വനിതകള്ക്ക് വേദികളില് സ്ഥാനമുണ്ടായിരുന്നില്ല. എന്നാല് ഇവിടെ ബി.ജെ.പി. വേദിയില് തനിക്ക് അംഗീകാരം കിട്ടിയെന്ന് മാത്രമല്ല, തനിക്കൊപ്പം നിരവധി വനിതകളും ഉണ്ടായിരുന്നു. 50 വയസ്സില് താഴെയുള്ള വനിതകള് കോണ്ഗ്രസില് ഇപ്പോള് കുറവാണെന്നും പദ്മജ പറഞ്ഞു. കെ. കരുണാകരന്റെ മക്കള് കോണ്ഗ്രസില് വേണ്ടന്നാണ് അവരുടെ തീരുമാനം. അത് ഒരിക്കല് മുരളീധരനും മനസിലാക്കും. ഈ തിരഞ്ഞെടുപ്പോടെ എ.ഐ.സി.സി. ആസ്ഥാനം അടച്ചു പൂട്ടേണ്ടി വരും. കോണ്ഗ്രസ് നശിച്ച് താഴേത്തട്ടിലെത്തിയെന്നും പത്മജ കുറ്റപ്പെടുത്തി.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Pathanamthitta,Kerala
First Published :
Mar 15, 2024 1:59 PM IST
മലയാളം വാർത്തകൾ/ വാർത്ത/Kerala/
'എന്റെ അനിയനാണ്;' അനിൽ ആൻ്റണിയുടെ പത്തനംതിട്ടയിലെ തെരഞ്ഞെടുപ്പ് പ്രചാരണ പരിപാടിയില് പത്മജ വേണുഗോപാല്
