ആര്യാടൻ ഷൗക്കത്തിന്റെ തിരഞ്ഞെടുപ്പ് കൺവെൻഷനിൽ പാണക്കാട് കുടുംബം പങ്കെടുത്തില്ല
- Published by:ASHLI
- news18-malayalam
Last Updated:
സമീപകാല ചരിത്രത്തിലാദ്യമായാണ് പാണക്കാട് കുടുംബത്തില് നിന്ന് ആരും പങ്കെടുക്കാത്ത തിരഞ്ഞെടുപ്പ് കണ്വെന്ഷന് നടക്കുന്നത്
മലപ്പുറം: നിലമ്പൂര് ഉപതിരഞ്ഞെടുപ്പിലെ യുഡിഎഫ് സ്ഥാനാര്ത്ഥി ആര്യാടന് ഷൗക്കത്തിന്റെ തിരഞ്ഞെടുപ്പ് കണ്വെന്ഷനില് പാണക്കാട് കുടുംബം പങ്കെടുത്തില്ല. സമീപകാല ചരിത്രത്തിലാദ്യമായാണ് പാണക്കാട് കുടുംബത്തില് നിന്ന് ആരും പങ്കെടുക്കാത്ത തിരഞ്ഞെടുപ്പ് കണ്വെന്ഷന് നടക്കുന്നത്.
മുസ്ലിം ലീഗ് സംസ്ഥാന അദ്ധ്യക്ഷനായ പാണക്കാട് സയ്യിദ് സാദിഖലി ശിഹാബ് തങ്ങള് ഹജ്ജിന് പോയതിനാലാണ് കണ്വെന്ഷനില് പങ്കെടുക്കാന് സാധിക്കാതിരുന്നത്. അതിനുപകരമായി പങ്കെടുക്കേണ്ടിയിരുന്ന ലീഗ് മലപ്പുറം ജില്ലാ പ്രസിഡന്റ് കൂടിയായ പാണക്കാട് അബ്ബാസലി ശിഹാബ് തങ്ങള് പരിപാടിയില് പങ്കെടുത്തില്ല.
ജില്ലയില് തന്നെ ഉണ്ടായിട്ടും അബ്ബാസലി തങ്ങള് വിട്ടുനിൽക്കുകയായിരുന്നു. അതേ സമയം ജില്ലയിലെ മറ്റ് പരിപാടികളില് അബ്ബാസലി തങ്ങള് പങ്കെടുക്കുകയും ചെയ്തു. അബ്ബാസലി തങ്ങളെ കണ്വെന്ഷനിലേക്ക് ക്ഷണിച്ചതില് വീഴ്ച സംഭവിച്ചതായി ലീഗ് വൃത്തങ്ങളില് ആക്ഷേപം ഉയരുന്നുണ്ട്.
advertisement
അബ്ബാസലി തങ്ങളെ അവസാന മണിക്കൂറിലാണ് ക്ഷണിച്ചതെന്ന് ആരോപണം. അതേ സമയം നേരത്തെ നിശ്ചയിച്ച പരിപാടികള് ഉള്ളത് കൊണ്ടാണ് അബ്ബാസലി തങ്ങള് കണ്വെന്ഷനില് പങ്കെടുക്കാതിരുന്നതെന്നാണ് അനൗദ്യോഗിക വിശദീകരണമെന്നും റിപ്പോർട്ട്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Nilambur,Malappuram,Kerala
First Published :
Jun 02, 2025 9:40 PM IST
മലയാളം വാർത്തകൾ/ വാർത്ത/Kerala/
ആര്യാടൻ ഷൗക്കത്തിന്റെ തിരഞ്ഞെടുപ്പ് കൺവെൻഷനിൽ പാണക്കാട് കുടുംബം പങ്കെടുത്തില്ല
