ഇസിജിയില് വ്യതിയാനം; പി സി ജോര്ജിനെ കോട്ടയം മെഡിക്കല് കോളേജ് ഐസിയുവിലേക്ക് മാറ്റി
- Published by:Rajesh V
- news18-malayalam
Last Updated:
വൈദ്യ പരിശോധനയില് ഇസിജിയില് വ്യതിയാനം കണ്ടതിനെ തുടര്ന്നാണ് പാല സബ് ജയിലിലേക്ക് അയക്കാതെ ജോര്ജിനെ മെഡിക്കല് കോളേജിലെത്തിച്ചത്. ഇവിടെ വിദഗ്ധ പരിശോധനയ്ക്ക് ശേഷം കാർഡിയോളജി ഐസിയുവിൽ പ്രവേശിപ്പിച്ചു
കോട്ടയം: ചാനല് ചര്ച്ചയിലെ മതവിദ്വേഷ പരാമര്ശക്കേസില് ജാമ്യാപേക്ഷ തള്ളിയ ബിജെപി നേതാവ് പി സി ജോര്ജിനെ കോട്ടയം മെഡിക്കല് കോളേജിലേക്ക് മാറ്റി. വൈദ്യ പരിശോധനയില് ഇസിജിയില് വ്യതിയാനം കണ്ടതിനെ തുടര്ന്നാണ് പാല സബ് ജയിലിലേക്ക് അയക്കാതെ ജോര്ജിനെ മെഡിക്കല് കോളേജിലെത്തിച്ചത്. ഇവിടെ വിദഗ്ധ പരിശോധനയ്ക്ക് ശേഷം കാർഡിയോളജി ഐസിയുവിൽ പ്രവേശിപ്പിച്ചു.
പൊലീസിന് പിടികൊടുക്കാതെ കോടതിയില് കീഴടങ്ങിയ ജോര്ജിന്റെ ജാമ്യാപേക്ഷ ഈരാറ്റുപേട്ട മജിസ്ട്രേറ്റ് കോടതി തള്ളിയതോടെയാണ് മാര്ച്ച് 10 വരെ രണ്ടാഴ്ചത്തേക്ക് റിമാന്ഡില് വിട്ടത്. വൈകിട്ട് ആറുമണിവരെ പി സി ജോര്ജ് പൊലീസ് കസ്റ്റഡിയിലായിരുന്നു. പാലാ ഡിവൈഎസ്പിയുടെ നേതൃത്വത്തില് ചോദ്യം ചെയ്തു.
പാല ജനറല് ആശുപത്രിയില് നടന്ന വൈദ്യ പരിശോധനയില് ഇസിജിയില് വ്യതിയാനം കണ്ടത്തിയിരുന്നു. തുടര്ന്നാണ് വിദഗ്ധ പരിശോധനയ്ക്കായി കോട്ടയം കോളേജില് എത്തിച്ചത്.
advertisement
നേരത്തെ അറസ്റ്റ് ചെയ്യാനുള്ള പൊലീസ് നീക്കത്തിനിടെയാണ് അദ്ദേഹം ബിജെപി നേതാക്കള്ക്കൊപ്പം കോടതിയിലെത്തി നാടകീയമായി കീഴടങ്ങിയത്. ഇരു ഭാഗങ്ങളുടെയും വാദം കേട്ട ശേഷമാണ് കോടതിയുടെ നടപടി. രണ്ട് ദിവസത്തെ കസ്റ്റഡിയാണ് പൊലീസ് ആവശ്യപ്പെട്ടത്. എന്നാല് നാലുമണിക്കൂര് കസ്റ്റഡിയാണ് കോടതി അനുവദിച്ചത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kottayam,Kottayam,Kerala
First Published :
Feb 24, 2025 7:27 PM IST
മലയാളം വാർത്തകൾ/ വാർത്ത/Kerala/
ഇസിജിയില് വ്യതിയാനം; പി സി ജോര്ജിനെ കോട്ടയം മെഡിക്കല് കോളേജ് ഐസിയുവിലേക്ക് മാറ്റി
