ആർത്തവ അയിത്തത്തിനെതിരേ കേരളം അണിചേരും; മുഖ്യമന്ത്രി പങ്കെടുക്കും

Also Read-BREAKING:സഭാതർക്കം തുടരുന്നതിനിടെ ഓർത്തഡോക്സ് സഭയുടെ വിരുന്നിൽ മുഖ്യമന്ത്രിയും കാനവും

ഇത് രണ്ടാം തവണയാണ് ആർപ്പോ ആർത്തവം പരിപാടി സംഘടിപ്പിക്കുന്നത്. നവംബർ 25 ന് നടന്ന പരിപാടി ജനപങ്കാളിത്തം കൊണ്ട് ശ്രദ്ധേയമായ സാഹചര്യത്തിൽ മുഖ്യമന്ത്രിയെയും ചലച്ചിത്ര രംഗത്തു നിന്നുള്ളവരെയും കൂടി ഉൾപ്പെടുത്തിയാണ് ഇത്തവണത്തെ പരിപാടി. മുഖ്യമന്ത്രിയെക്കൂടാതെ പുന്നല ശ്രീകുമാര്‍, പാ രഞ്ജിത്, ആനിരാജ, സി.കെ ജാനു, കൗസല്യ,ശക്തി, അനിത ദുബെ, കെ.ആര്‍ മീര, കെ. അജിത, സണ്ണി എം കപിക്കാട്, സുനില്‍ പി ഇളയിടം, കോവന്‍ സംഘം, കാസ്റ്റ്‌ലെസ് കളക്ടീവ്, ഊരാളി തുടങ്ങിയവരും പങ്കെടുക്കുന്നുണ്ട്. 12 ന് വൈകുന്നേരത്തോടെ ആരംഭിക്കുന്ന റാലിയോടെയാണ് പരിപാടികൾക്ക് തുടക്കമാവുക.

ആർത്തവ അയിത്തത്തിനെതിരെ നിയമം പാസ്സാക്കണമെന്നാണ് പരിപാടിയിലൂടെ ആവശ്യപ്പെടുന്നത്. സംസ്ഥാന വനിതാ-ശിശുവികസന വകുപ്പ് നടത്തുന്ന ആർത്തവ ശരീരം എന്ന ശാസ്ത്രപ്രദർശനവും പരിപാടിയോടൊപ്പം സംഘടിപ്പിച്ചിട്ടുണ്ട്. സ്ത്രീകൾ എഴുതിയ ആർത്തവ കുറിപ്പുകൾ പരിപാടിയുടെ ഭാഗമായി പുസ്തകമായി പ്രസിദ്ധീകരിക്കുമെന്നും പരിപാടിയുടെ സംഘാടകർ അറിയിച്ചു.