മുഖ്യമന്ത്രിക്കെതിരെ സ്ത്രീകളുടെ ശരണം വിളി പ്രതിഷേധം

ചടങ്ങ് നടക്കുന്ന വേദിയില്‍ നിന്നും ഒരു കിലോമീറ്റര്‍ അകലെയും ബിജെപിയുടെ പ്രതിഷേധമുണ്ടായി. ശരണം വിളിക്കുന്നത് നല്ലതാണെന്നും, എല്ലാദിവസവും കേള്‍ക്കുന്നതാണെന്നും, അതില്‍ കാര്യമില്ലെന്നുമായിരുന്നു മുഖ്യമന്ത്രിയുടെ പ്രതികരണം

രാവിലെ മുതൽ കനത്ത പൊലീസ് സുരക്ഷയിലായിരുന്നു വേദിയും സദസും ഇതിനിടയിലാണ് സ്ത്രീകളെ മുൻനിർത്തിയുള്ള പ്രതിഷേധം. പ്രതിഷേധം സംഘടിപ്പിച്ച എട്ടു സ്ത്രീകളെയാണ് അറസ്റ്റ് ചെയ്തിരിക്കുന്നത്.

നേരത്തെ മുഖ്യമന്ത്രിയെയും മന്ത്രിമാരെയും വഴിയില്‍ തടയുമെന്ന ബിജെപിയുടെ സമരാഹ്വാനത്തിന്റെ പശ്ചാത്തലത്തില്‍ മുഖ്യമന്ത്രിയുടെയും മന്ത്രിമാരുടെയും സുരക്ഷാ ക്രമീകരണങ്ങള്‍ ശക്തമാക്കിയിരുന്നു.

വാഹനവ്യൂഹത്തിലെ പൈലറ്റ് വാഹനങ്ങളുടെ എണ്ണവും വര്‍ധിപ്പിച്ചിട്ടുണ്ട്. ഒരിടവേളയ്ക്ക് ശേഷം ശബരിമല വിഷയത്തില്‍ സമരം ശക്തമാക്കുകയാണ് ബിജെപി. ഇതിനെ തുടര്‍ന്നാണ് മുഖ്യമന്ത്രിയടക്കമുള്ളവര്‍ക്കെതിരായ പ്രതിഷേധങ്ങള്‍ സമരത്തിന്റെ ഭാഗമായി ഇന്ന് നിലയ്ക്കലില്‍ നിരോധനാജ്ഞ ലംഘിക്കുമെന്നും ഇവര്‍ അറിയിച്ചിട്ടുണ്ട്.