റിപ്പോർട്ടർ ടിവിയുടെ സെക്യൂരിറ്റി ക്ലിയറൻസ് പിൻവലിച്ചെന്ന് കേന്ദ്രം

റിപ്പോർട്ടർ ബ്രോഡ്കാസ്റ്റിം​ഗ് കമ്പനി പ്രൈവറ്റ് ലിമിറ്റഡ് എന്ന സ്ഥാപനം ബ്രോഡ്കാസ്റ്റ് ലൈസൻസില്ലാതെ റിപ്പോർട്ടർ ടിവി എന്ന സാറ്റലൈറ്റ് ചാനൽ നടത്തുന്നതിനെതിരെയാണ് ഹർജി നൽകിയത്. കേന്ദ്ര ആഭ്യന്തര മന്ത്രാലയത്തിന് പരാതി നൽകിയിട്ടും നടപടി ഉണ്ടാകാത്തതിനെ തുടർന്നാണ് ഹർജി നൽകിയതെന്നും സർക്കാർ അറിയിച്ചു.

എം വി നികേഷ്‌ കുമാർ, റാണി വർഗീസ് എന്നിവരാണ് കമ്പനിയുടെ ഡയറക്ടർമാർ. നിയമങ്ങൾ‌ പാലിക്കാതെയാണ് ചാനലിന്റെ ലൈസൻസ് മാറിയതെന്നാണ് ഹർജിയിൽ പറയുന്നത്. നിലവിലെ ഡയറക്ടർമാർക്ക് നിയമപരമായി ചാനൽ നടത്താൻ അവകാശമില്ലെന്നാണ് ​ഹ​ർജിയിലെ പ്രധാന ആരോപണം.

സാറ്റലൈറ്റ് ടെലിവിഷൻ ചാനലുകളുടെ ചട്ടങ്ങൾ ലംഘിച്ച് ചാനലിന്റെ ഉടമസ്ഥതയും പ്രവർത്തനവും അനധികൃതമായി നടത്തുന്നുവെന്നും സാബു എം.ജേക്കബ് പരാമർശിക്കുന്നുണ്ട്. ഹർജിയിൽ ലൈസൻസ് ഉടമ എം വി നികേഷിനോട് വിശദീകരണം തേടിയിട്ടുണ്ടെന്ന്‌ കേന്ദ്ര പ്രക്ഷേപണ മന്ത്രാലയം അറിയിച്ചു.