പൂനെയിൽനിന്ന് ബൈക്കിൽ രണ്ട് ദിവസംകൊണ്ട് 1300 കിലോ മീറ്റർ; വീട്ടില്‍ എത്താൻ വേറെ വഴിയില്ലാതെ സ്വാതി ചെയ്തത്

മേയ് ഏഴിന് രാത്രി ഒന്‍പതിന് പുണെയില്‍നിന്ന് യാത്ര ആരംഭിച്ചത്. എട്ടിന് രാത്രി കേരള അതിര്‍ത്തി കടന്നു. പെട്രോള്‍ പമ്പുകളില്‍ മാത്രമായിരുന്നു കുറച്ചുസമയം വിശ്രമിച്ചത്. ആഹാരമായി ബ്രെഡ് കരുതിയിരുന്നു. ചില സ്ഥലങ്ങളില്‍ നിര്‍ത്തി ബ്രെഡും വെള്ളവും കുടിച്ചു. ദീര്‍ഘദൂരയാത്രകളൊന്നും നടത്തി പരിചയമില്ലെങ്കിലും വീട്ടിലെത്തണമെന്ന ആഗ്രഹത്തില്‍ രാത്രിയിലും ഉറങ്ങാതെ വണ്ടിയോടിക്കുകയായിരുന്നെന്ന് സ്വാതി പറഞ്ഞു.