'ഇന്നേവരെ ഒരു വിവാദത്തിലും ഉൾപ്പെട്ടിട്ടില്ല, ഒരു കുറ്റവും പഴിയും കേൾപ്പിച്ചിട്ടില്ല': ശബരിമല തന്ത്രിയുടെ അറസ്റ്റിൽ രാഹുൽ ഈശ്വർ

ശബരിമല സ്വർ‌ണക്കൊള്ള കേസിലെ തന്ത്രി കണ്ഠര് രാജീവരരുടെ അറസ്റ്റിൽ പ്രതികരണവുമായി രാഹുൽ ഈശ്വർ‌. ഭരണകാര്യങ്ങളിലെ വീഴ്ചയ്ക്ക് തന്ത്രിയെ ബലിയാടാക്കി കുടുക്കിയാൽ ആരെയെങ്കിലും രക്ഷപ്പെടുത്താനാകുമെന്ന് വിചാരിച്ചു ചെയ്യുന്നതാണോ എന്നറിയില്ലെന്നും ഇതുവരെ ഒരു പഴിയും കേൾപ്പിക്കാത്തയാളാണ് കണ്ഠര് രാജീവരര് എന്നും രാഹുൽ ഈശ്വര്‍ ഫേസ്ബുക്കിൽ കുറിച്ചു. ബന്ധുവായതുകൊണ്ടല്ല ഇതുപറയുന്നതെന്നും എല്ലാവർ‌ക്കും നീതി വേണമെന്നത് കൊണ്ടാണ് നിലപാട് പറയുന്നതെന്നും രാഹുൽ ഈശ്വർ പറഞ്ഞു.