'സംഗതി പൊരിച്ചൂ ട്ടാ'; ജാനകിയെയും നവീനെയും പിന്തുണച്ച് സന്ദീപ് വാര്യർ

മുപ്പത് സെക്കൻഡ് നൃത്തത്തിലൂടെ സമൂഹമാധ്യമങ്ങളിൽ വൈറലായ നവീനും ജാനകിക്കും അഭിനന്ദനവുമായി ബിജെപി വക്താവ് സന്ദീപ് വാര്യർ. കലാലയങ്ങളെ മനോഹരങ്ങളാക്കുന്നത് കലകളാണ്. ജാനകി ഓംകുമാറിനും നവീന്‍ റസാഖിനും അഭിനന്ദനങ്ങള്‍. കൂടുതല്‍ മികച്ച പ്രകടനങ്ങളുമായ് മുന്നോട്ട് വരാന്‍ കഴിയട്ടെ ഇരുവര്‍ക്കും.തൃശൂർ മെഡിക്കൽ കോളേജിലെ ഗഡീസ് ആയോണ്ട് പറയാണ് .. സംഗതി പൊരിച്ചൂ ട്ടാ .. സന്ദീപ് ഫേസ്ബുക്കിൽ കുറിച്ചു. ലൗ ജിഹാദ് ആരോപിച്ച് ഇരുവർക്കുമെതിരെ ചിലർ സൈബർ ആക്രമണം അഴിച്ചു വിട്ടതിനിടയിലാണ് സന്ദീപ് വാര്യരുടെ അഭിനന്ദനം.