ശശി എന്ന് എന്തുകൊണ്ട് പേരിട്ടു? ശശി തരൂർ പറയുന്നു

'ഞാൻ മഹാശിവരാത്രി ദിനത്തിലാണ് ജനിച്ചത്. ശിവന്റെ തലയിലെ ചന്ദ്രക്കലയാണ് ശശി. മലയാള കലണ്ടർ പ്രകാരം എന്റെ ജന്മ നക്ഷത്രം ഇന്നാണ്. ഈ ദിവസം എന്റെ കുടുംബത്തിന് വളരെ പ്രധാനപ്പെട്ടതാണ്. എന്നാൽ ഔദ്യോഗിക ജന്മദിനം മാർച്ച് ഒമ്പതാണ്. രേഖകളിൽ എല്ലാം അതാണ് ഉള്ളത്'- അദ്ദേഹം പറഞ്ഞു.

Also Read- 'കേരളത്തിൽ കോൺഗ്രസിന് നേതാവില്ല; എന്നെ ആവശ്യമില്ലെങ്കിൽ മറ്റ് വഴികളുണ്ട്'; ശശി തരൂർ

പാലക്കാട് തരൂർ ചന്ദ്രശേഖരൻ നായരുടെയും ലില്ലി തരൂരിന്റെയും മകനായി 1956 മാർച്ച് 9 ന് ലണ്ടനിലാണ് ശശി തരൂർ ജനിച്ചത്.

അടുത്തിടെ പ്രധാനമന്ത്രി നരേന്ദ്ര മോദിയെയും മുഖ്യമന്ത്രി പിണറായി വിജയനെയും പുകഴ്ത്തി അഭിമുഖത്തിൽ തരൂർ സംസാരിച്ചതും ലേഖനമെഴുതിയതും വലിയ ചർച്ചയായിരുന്നു. സങ്കുചിത രാഷ്ട്രീയ ചിന്ത തനിക്കില്ലെന്നാണ് വിവാദത്തിന് പിന്നാലെ ശശി തരൂർ പറഞ്ഞത്. എതിരാളികൾ നല്ല കാര്യങ്ങൾ ചെയ്താൽ പിന്തുണ നൽകണം. ബിജെപിയിലേക്ക് പോകാൻ ആലോചനയില്ലെന്നും തന്റെ വിശ്വാസങ്ങളോട് ചേർന്ന് നിൽക്കുന്ന പാർട്ടിയല്ലെന്നും തരൂർ വ്യക്തമാക്കിയിരുന്നു.

Thiruvananthapuram MP Shashi Tharoor reveals how he was named so and how it is connected to Maha Shivarathri