'ഇത്രയും ക്വാളിറ്റി ഇല്ലാത്ത തല വെട്ടി ഒട്ടിക്കൽ പിക് അടുത്ത കാലത്തൊന്നും കണ്ടിട്ടില്ല': സൗമ്യ സരിൻ

സരിന്റെ എഡിറ്റ് ചെയ്ത ചിത്രങ്ങൾ സമൂഹമാധ്യമങ്ങളിൽ പ്രചരിപ്പിച്ചതിനെതിരെ ഭാര്യ സൗമ്യ സരിൻ. ഫേസ്ബുക്ക് പോസ്റ്റിലൂടെയായിരുന്നു പ്രതികരിച്ചത്. രാഹുൽ മാങ്കൂട്ടത്തിലിനെതിരെ ആരോപണം ഉന്നയിച്ച റിനി ആൻ ജോർജിനൊപ്പം സരിൻ നിൽക്കുന്നതായുള്ള ചിത്രമാണ് എഡിറ്റ് ചെയ്തത്. തല വെട്ടിമാറ്റിയ ചിത്രമാണ് ഇതെന്ന് ഒറ്റനോട്ടത്തിൽ മനസ്സിലാകുന്ന ചിത്രമാണ് സമൂഹമാധ്യമങ്ങളിൽ പ്രചരിപ്പിക്കുന്നത്. ഇതിനെതിരെയാണ് സൗമ്യ സരിൻ രം​ഗത്ത് എത്തിയിരിക്കുന്നത്.