'വിശ്വാസിയല്ലാത്ത ജെയ്ക് എങ്ങനെ സഭയുടെ മകനാവും?' കോട്ടയം ഭദ്രാസനാധിപന് വിമര്‍ശനം

ചാണ്ടി ഉമ്മൻ ഓർത്തഡോക്സ് പക്ഷത്തെ ആളാണ്, ജെയ്ക്ക് മറുപക്ഷത്തെ ആളും. തങ്ങളെ സംബന്ധിച്ച് ജെയ്ക്കും ചാണ്ടി ഉമ്മനും മലങ്കര സഭയുടെ അംഗങ്ങളാണ്. പ്രത്യശാസ്ത്രപ്രകാരം ജെയ്ക്ക് അംഗമാണോ എന്ന് പറയേണ്ടത് അദ്ദേഹമാണ്. വേറൊരു പ്രത്യയശാസ്ത്രത്തില്‍ പോകുന്നൊരാളാണ് അദ്ദേഹം. യാക്കോബായ, ഓര്‍ത്തഡോക്‌സ് എന്നുള്ളതല്ല, മലങ്കര സഭ എന്നൊന്നേയുള്ളൂ എന്ന് കോടതി പറഞ്ഞിരിക്കുമ്പോള്‍ അവര്‍ രണ്ടുപേരും ഞങ്ങളുടെ കുട്ടികളായിട്ടേ കാണാന്‍ ഇപ്പോഴത്തെ സാഹചര്യത്തില്‍ പറ്റുകയുള്ളൂ. എന്നായിരുന്നു കോട്ടയം ഭദ്രാസനാധിപൻ പറഞ്ഞത്.

എന്നാൽ, ജെയ്ക്ക് വിശ്വാസിയല്ലെന്നും ഒരു പള്ളിയിലും അംഗത്വവുമില്ലെന്നും ഫാ. എംഒ ജോണ്‍ പറഞ്ഞു. ജെയ്ക്കിന്റെ വിവാഹം അടക്കം പള്ളിയിൽ വെച്ചല്ല നടന്നത്. തിരുമേനിയുടെ പ്രസ്താവന തെറ്റിദ്ധരിപ്പിക്കുന്നതാണെന്നും അദ്ദേഹം പറഞ്ഞു. അല്‍മായരും കോട്ടയം ഭദ്രസനാധിപന്റെ പ്രസ്താവനയ്ക്കെതിരെ രംഗത്തെത്തി.