'ഇതൊക്കെ എന്ത് ; ഫ്രാൻസിലൊക്കെ രണ്ടാഴ്ചയിൽ ഒരിക്കൽ പണിമുടക്കാ'; ദേശീയ പണിമുടക്കിൽ കൊച്ചിയിൽ കുടുങ്ങിയ വിദേശികള്‍

ആദ്യമായിട്ടല്ല പണിമുടക്ക് നേരിടുന്നതെന്നും ഫ്രാൻസിലൊക്കെ രണ്ടാഴ്ചയിൽ ഒരിക്കൽ പണിമുടക്ക് നടക്കാറുണ്ടെന്നും വിദേശ വിനോദ സഞ്ചാരികൾ. മൂന്നാറിലേക്ക് പോകാൻ കൊച്ചിയിലെത്തിയ  ജർമൻ, ഫ്രാൻസ് സ്വദേശികളാണ് മാധ്യമ പ്രവർത്തകന്റെ ചോദ്യത്തോട് പ്രതികരിച്ചത്. 7.50 നായിരുന്നു വിദേശത്തുനിന്നെത്തിയ യുവാക്കളുടെ മൂന്നാറിലേക്കുള്ള ബസ്. എന്നാൽ പണിമുടക്ക് കാരണം ഇവർക്ക് പോകാനായില്ല. തുടർന്ന് ബസ്റ്റോപ്പിൽ നിൽക്കുമ്പോഴായിരുന്നു മാധ്യമപ്രവർത്തകരുടെ ചോദ്യത്തിന് ഇവർ പ്രതികരിച്ചത്.