കോഴിക്കോട് കൂട്ടുകാർക്കൊപ്പം കുളത്തിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു
- Published by:Sarika KP
- news18-malayalam
Last Updated:
സുഹൃത്തുക്കൾക്കൊപ്പം കുളിക്കുന്നതിനിടെയായിരുന്നു അപകടം.
കോഴിക്കോട്: നരിക്കുനി മൂര്ഖന്കുണ്ടില് വിദ്യാര്ത്ഥി കുളത്തില് മുങ്ങി മരിച്ചു. ചേളന്നൂര് കണ്ണങ്കര പടിഞ്ഞാറയില് മീത്തല് സലീമിന്റെ മകന് മുഹമ്മദ് നിഹാല് (17) ആണ് മരിച്ചത്. കാരുകുളങ്ങര ബദ്രിയ്യ കോളേജിലെ വിദ്യാര്ത്ഥിയാണ്. വെളളിയാഴ്ച വൈകിട്ട് ആറ് മണിയോടെയാണ് സംഭവം.
സുഹൃത്തുക്കൾക്കൊപ്പം കുളിക്കുന്നതിനിടെയായിരുന്നു അപകടം. ഉടൻ തന്നെ എളേറ്റിലിലെ സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കൽ കോളേജ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിൽ. മാതാവ്: റൈഹാന സഹോദരങ്ങൾ: നാജിയ, സുഹൈൽ.
സമാന സംഭവത്തില് കഴിഞ്ഞ ദിവസം വിദ്യാർത്ഥി മുങ്ങി മരിച്ചിരുന്നു. ക്ഷേത്രക്കുളത്തിൽ കുളിക്കാനിറങ്ങിയ വിദ്യാർത്ഥി മുങ്ങി മരിച്ചു. ഉത്തിയൂര് കൃഷ്ണ കൃപയിലെ ഭവിനയ് കൃഷ്ണയാണ് (15) മരിച്ചത്. മട്ടന്നൂര് ഹയര് സെക്കന്ഡറി സ്കൂള് പത്താം ക്ലാസ് വിദ്യാർത്ഥിയാണ് ഭവിനയ് കൃഷ്ണ. ഞായറാഴ്ച വൈകുന്നേരം അഞ്ചോടെയാണ് സംഭവം.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kozhikode,Kozhikode,Kerala
First Published :
Jul 22, 2023 7:11 AM IST
മലയാളം വാർത്തകൾ/ വാർത്ത/Kerala/
കോഴിക്കോട് കൂട്ടുകാർക്കൊപ്പം കുളത്തിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു
