'ഭാരതാംബ സങ്കൽപ്പം ആദ്യകാലം മുതലുള്ളത്; കാവിയോടുള്ള അലർജി പച്ചയെ കൂടുതൽ കൂട്ടുപിടിക്കാൻ': കെ സുരേന്ദ്രൻ

കാവിയോടുള്ള അലർജി പച്ചയെ കൂടുതൽ കൂട്ടുപിടിക്കാനാണെന്നും മുസ്ലിം വർഗീയവാദികളെ പ്രീണിപ്പിക്കാനാണ്  ഇടതുപക്ഷവും കോൺഗ്രസും കാവിയെ എതിർക്കുന്നതെന്നും അദ്ദേഹം പറഞ്ഞു. അക്രമത്തിൻ്റെ ചിഹ്നമായ അരിവാളും ചുറ്റികയും കൊണ്ടു നടക്കുന്നവർവർക്ക് ഭാരതാംബയെ അംഗീകരിക്കാനാവില്ലെന്നും അദ്ദേഹം കൂട്ടിച്ചേർത്തു. അന്താരാഷ്ട്ര യോഗദിനം ആചരിക്കാൻ പ്രധാനമന്ത്രി തീരുമാനിച്ചപ്പോൾ അതിനെ സംഘപരിവാർ അജണ്ടയെന്നു പറഞ്ഞ മുഖ്യമന്ത്രിയും മന്ത്രിമാരും ഇന്ന് യോഗാ ദിനം കൊണ്ടാടുകയാണെന്നും രണ്ടോ മൂന്നോ വർഷം കഴിഞ്ഞാൽ ക്ലിഫ് ഹൗസിൽ വരെ ഭാരതാംബയെ വെക്കുമെന്നും കെ സുരേന്ദ്രൻ പറഞ്ഞു.

താലിബാനിസം കേരളത്തിൽ പടർന്നു പിടിക്കുകയാണെന്നും പിണറായിയിൽ സദാചാര ഗുണ്ടായിസത്തിൻ്റെ ഇരയായി യുവതി മരിച്ച സംഭവം ഗൗരവതരമാണെന്നും സുരേന്ദ്രൻ പറഞ്ഞു.