കാന്‍സറിന് കുറഞ്ഞ വിലയ്ക്ക് മരുന്നുകൾ: തിരുവനന്തപുരത്ത് 14 ആശുപത്രികളിൽ 'കാരുണ്യ സ്പർശം' കൗണ്ടറുകൾ പ്രവർത്തനക്ഷമം

കാന്‍സര്‍ രോഗികള്‍ക്കും കുടുംബങ്ങള്‍ക്കും ഏറെ സഹായകരവും ആശ്വാസകരവുമാകുന്ന പദ്ധതിയാണ് സംസ്ഥാന ആരോഗ്യ വകുപ്പ് ആരംഭിച്ച കാരുണ്യസ്പര്‍ശം പ്രോജക്ട്. രാജ്യത്തെ ഏറ്റവും കുറഞ്ഞ വിലക്ക് കാന്‍സര്‍ മരുന്നുകള്‍ ലഭ്യമാക്കുന്ന ഈ പ്രോജക്ട് ആരംഭിച്ചിട്ട് ഒരു വര്‍ഷമായി. ആദ്യഘട്ടത്തില്‍ തെരഞ്ഞെടുത്ത 14 കാരുണ്യ ഫാര്‍മസികളിലാണ് കാരുണ്യ സ്പര്‍ശം കൗണ്ടറുകള്‍ ആരംഭിച്ചത്. എന്നാൽ ഒരു വർഷം പിന്നിടുമ്പോൾ തിരുവനന്തപുരം ജില്ലയിൽ മാത്രം 14 ആശുപത്രികളിൽ നിന്ന് കുറഞ്ഞ നിരക്കിൽ ക്യാൻസർ മരുന്നുകൾ വാങ്ങാൻ ആകും.