വെഞ്ഞാറമൂട് ഹൈസ്കൂൾ വിദ്യാർത്ഥികൾക്ക് ജില്ലാതല ക്വിസ് കിരീടം

കേരള സംസ്ഥാന യുവജനക്ഷേമ ബോർഡ് സംഘടിപ്പിച്ച ജില്ലാതല ക്വിസ് മത്സരത്തിൽ ശിവശങ്കറും നഫീസ് മുഹമ്മദും ഒന്നാം സ്ഥാനം നേടി. ജില്ലാ പഞ്ചായത്ത് പ്രസിഡൻ്റ് ഡി. സുരേഷ്കുമാർ വിജയികൾക്ക് സർട്ടിഫിക്കറ്റും ക്യാഷ് അവാർഡും സമ്മാനിച്ചു. ജില്ലയിലെ 14 നിയോജകമണ്ഡലങ്ങളിലെ ഹൈസ്കൂൾ വിദ്യാർഥികൾക്കായി സംഘടിപ്പിച്ച മത്സരത്തിലാണ് ഈ മിടുക്കന്മാർ മികച്ച വിജയം നേടിയത്. നാടിനും സ്കൂളിനും അഭിമാനമായി മാറിയ ഇവരെ നിരവധി പേർ അഭിനന്ദിച്ചു.

യുവജനക്ഷേമ ബോർഡ് സംഘടിപ്പിച്ച മത്സരത്തിൽ വിജയിച്ചതിലൂടെ ഇവർ തങ്ങളുടെ കഴിവ് തെളിയിക്കുകയും മറ്റുള്ളവർക്ക് പ്രചോദനമാവുകയും ചെയ്തു. സമ്മാനദാന ചടങ്ങിൽ ജില്ലാ യൂത്ത് പ്രോഗ്രാം ഓഫീസർ ബിന, ജില്ലാ കോ-ഓർഡിനേറ്റർ എ.എം. അൻസാരി, അവളിടം ജില്ലാ കോ-ഓർഡിനേറ്റർ വി.എസ്. ശ്യാമ, ടീം കേരള ജില്ലാ ക്യാപ്റ്റൻ കിരൺ എന്നിവർ പങ്കെടുത്തു.