കുമ്പിച്ചൽക്കടവ് പാലത്തിന് താഴെ ചിൽഡ്രൻസ് പാർക്കും സെൽഫി പോയിൻ്റും; അമ്പൂരിയുടെ മുഖച്ഛായ മാറും

പ്രകൃതിരമണീയമായ അമ്പൂരി പ്രദേശത്തിന് ടൂറിസം ഭൂപടത്തിൽ കൂടുതൽ പ്രാധാന്യം നൽകിക്കൊണ്ട് കുമ്പിച്ചൽക്കടവ് പാലം കേന്ദ്രീകരിച്ച് പുതിയ വിനോദസഞ്ചാര കേന്ദ്രം വരുന്നു. ഇതിനായി 99 ലക്ഷം രൂപ അനുവദിച്ചു. തിരുവനന്തപുരം ജില്ലയിലെ അമ്പൂരി കുമ്പിച്ചൽക്കടവ് പാലം ഇതിനകം തന്നെ ജനങ്ങളുടെ ഇഷ്ട കേന്ദ്രമായി മാറിയിരിക്കുകയാണ്. ഏറെ നാളത്തെ കാത്തിരിപ്പിനൊടുവിൽ യാഥാർത്ഥ്യമായ കുമ്പിച്ചാൽ കടവ് പാലത്തിന് സോഷ്യൽ മീഡിയയിൽ ഉൾപ്പെടെ വലിയ സ്വീകാര്യതയാണ് ലഭിക്കുന്നത്.