അത്യാധുനിക ടെലി മെഡിസിൻ സൗകര്യത്തോടെ അമ്പൂരി തൊടുമലയിൽ ആരോഗ്യ കേന്ദ്രം
- Reported by:Athira Balan A
- local18
- Published by:Gouri S
Last Updated:
സി.കെ. ഹരീന്ദ്രൻ എം.എൽ.എയുടെ നേതൃത്വത്തിൽ അമ്പൂരി ഗ്രാമപഞ്ചായത്തിലെ തൊടുമലയിൽ പുതിയ ഹെൽത്ത് സബ് സെൻ്റർ പ്രവർത്തനമാരംഭിച്ചു.
അമ്പൂരി ഗ്രാമപഞ്ചായത്തിലെ തൊടുമലയിൽ പുതുതായി നിർമ്മിച്ച ഹെൽത്ത് സബ് സെൻ്റർ നാടിന് സമർപ്പിച്ചു. ഗതാഗത സൗകര്യങ്ങൾ കുറവായ മലയോര മേഖലയിലെ ജനങ്ങൾക്ക്, പ്രത്യേകിച്ച് ആറോളം ഗോത്രവർഗ്ഗ ഊരുകളിലെ താമസക്കാർക്ക് വലിയ ആശ്വാസമാകുന്ന പദ്ധതിയാണിത്.
മുൻകാലങ്ങളിൽ കരിപ്പയാറിന് അക്കരെയുള്ള മായം കുടുംബാരോഗ്യ കേന്ദ്രത്തെയാണ് ചികിത്സയ്ക്കായി ഇവിടത്തുകാർ ആശ്രയിച്ചിരുന്നത്. ആറ് കടന്നുള്ള യാത്രയും യാത്രാക്ലേശവും അടിയന്തര സാഹചര്യങ്ങളിൽ വലിയ പ്രതിസന്ധിയായിരുന്നു.
കുമ്പിച്ചൽകടവ് പാലം യാഥാർത്ഥ്യമായതിന് പിന്നാലെ ഈ ആരോഗ്യകേന്ദ്രം കൂടി വന്നതോടെ മികച്ച പ്രാഥമിക ചികിത്സാ സൗകര്യങ്ങൾ ജനങ്ങളുടെ വീട്ടുപടിക്കൽ തന്നെ ലഭ്യമായിരിക്കുകയാണ്. വിദഗ്ധ ഡോക്ടർമാരുടെ സേവനം ഉറപ്പാക്കുന്ന അത്യാധുനിക ടെലി മെഡിസിൻ സൗകര്യമാണ് ഈ കേന്ദ്രത്തിൻ്റെ പ്രധാന ആകർഷണം.
മലയോര മേഖലയുടെ സമഗ്ര വികസനത്തിൽ വലിയൊരു നാഴികക്കല്ലായി മാറിയിരിക്കുകയാണ് ഈ പുതിയ ആരോഗ്യ കേന്ദ്രം. സി.കെ. ഹരീന്ദ്രൻ എം.എൽ.എയുടെ നേതൃത്വത്തിലാണ് തൊടുമലയിൽ പുതിയ ഹെൽത്ത് സബ് സെൻ്റർ ആരംഭിച്ചത്. ആദിവാസി മേഖലകളിലെ ജനങ്ങളുടെ ബുദ്ധിമുട്ട് കണക്കിലെടുത്താണ് ഇത്തരമൊരു ആശുപത്രി സർക്കാർ നിർമ്മിക്കുന്നത്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
Mar 06, 2026 5:35 PM IST
മലയാളം വാർത്തകൾ/ വാർത്ത/Thiruvananthapuram/
അത്യാധുനിക ടെലി മെഡിസിൻ സൗകര്യത്തോടെ അമ്പൂരി തൊടുമലയിൽ ആരോഗ്യ കേന്ദ്രം









