തിരുവനന്തപുരം പള്ളിത്തുറയിൽ പുതിയ അംഗണവാടിയും വായനശാലയും

എന്നാൽ തിരുവനന്തപുരം ജില്ലയിലെ തീരദേശ മേഖലകളിൽ പരമ്പരാഗത രീതിയിൽ തന്നെയുള്ള ചില ഗ്രാമങ്ങൾ ഉണ്ട്. അവിടെ നടക്കുന്ന ചെറിയ വികസന പ്രവർത്തനങ്ങൾക്ക് പോലും വലിയ ശ്രദ്ധ ലഭിക്കാറുണ്ട്. തിരുവനന്തപുരം പള്ളിത്തുറയിൽ നിന്നും വളരെ സന്തോഷം നൽകുന്ന ഒരു വാർത്തയുണ്ട്. പള്ളിത്തുറയിൽ പുതുതായി ഒരു അംഗണവാടിയും ഒരു ഗ്രാമീണ ഗ്രന്ഥശാലയും നിർമ്മിച്ചിരിക്കുകയാണ്. സാധാരണക്കാരായ നിരവധി ആളുകൾക്ക് ഗുണകരമാകുന്നതാണ് അംഗണവാടി. അതുപോലെ തന്നെയാണ് ഒരു തലമുറ വായനയിലേക്ക് അടുപ്പിക്കുന്നതിന് വേണ്ടി നിർമ്മിച്ചിട്ടുള്ള ഗ്രന്ഥശാലയും.

പള്ളിത്തുറ വാർഡിൽ നിർമ്മാണം പൂർത്തീകരിച്ച അത്യാധുനിക ഗ്രന്ഥശാലയും സ്മാർട്ട് അങ്കണവാടിയും തിരുവനന്തപുരം നഗരസഭാ മേയർ ആര്യ രാജേന്ദ്രൻ നാടിന് സമർപ്പിച്ചു.

തിരുവനന്തപുരം നഗരസഭ പള്ളിത്തുറ വാർഡിൽ അത്യാധുനികരീതിയിൽ നിർമ്മാണം പൂർത്തീകരിച്ച തോപ്പിൽ സദാശിവൻ മെമ്മോറിയൽ ഗ്രന്ഥശാലയുടെയും സ്മാർട്ട് അങ്കണവാടിയുടെയും ഉദ്ഘാടനം നിർവഹിച്ചു. ഡിജിറ്റൽ ലൈബ്രറി, റീഡിംഗ് റൂം, ഫർണീച്ചറുകൾ എന്നിവ ഉൾപ്പെടെ നഗരസഭ പദ്ധതിയുടെ ഭാഗമായി 80 ലക്ഷം രൂപ വിനിയോഗിച്ചാണ് നിർമ്മാണം പൂർത്തീകരിച്ചത്.