യാത്രക്കാരേ... കോഡ് മറക്കല്ലേ... തിരുവനന്തപുരം നോർത്ത്, സൗത്ത് റെയിൽവേ സ്റ്റേഷനുകളുടെ പുതിയ കോഡ്

തിരുവനന്തപുരത്തു നിന്നും തിരുവനന്തപുരത്തേക്കും ട്രെയിൻ യാത്ര ചെയ്യുന്നവർ അറിഞ്ഞിരിക്കേണ്ട ഒരു കാര്യം. അടുത്തിടെ തിരുവനന്തപുരത്തെ നേമം റെയിൽവേ സ്റ്റേഷൻ്റെയും കൊച്ചുവേളി റെയിൽവേ സ്റ്റേഷൻ്റെയും പേര് മാറ്റിയിരുന്നു. പേരു മാത്രമല്ല സ്റ്റേഷനെ സൂചിപ്പിക്കുന്ന കോഡും മാറിയിട്ടുണ്ട്. ഓരോ സ്ഥലത്തെയും സൂചിപ്പിക്കുന്നത് ഓരോ കോഡുകൾ ആണ്. ഇപ്പോൾ നേമം റെയിൽവേ സ്റ്റേഷൻ അറിയപ്പെടുന്നത് തിരുവനന്തപുരം സൗത്ത് സ്റ്റേഷൻ എന്നാണ്. ഇതിനെ TVCS എന്ന കോഡ് കൊണ്ടാണ് സൂചിപ്പിക്കുന്നത്. മുൻപ് നേമം എന്നതിൻ്റെ ചുരുക്കെഴുത്തെന്നോണം NEM എന്നാണ് ഉപയോഗിച്ചു വന്നിരുന്നത്. സ്റ്റേഷനുകളിൽ പേര് മാറിയപ്പോൾ സ്വാഭാവികമായും മുൻപ് ഉപയോഗിച്ച കോഡുകൾക്കും മാറ്റം വന്നു.