പൊതു വിദ്യാലയങ്ങളിലെ മിടുക്കരെ ആദരിക്കുന്ന 'തിളക്കം': വിദ്യാഭ്യാസ രംഗത്ത് അരുവിക്കര 'തിളക്കം' കൂട്ടുന്നതിങ്ങനെ

അരുവിക്കരയിലെ പൊതുവിദ്യാലയങ്ങളിലെ കുട്ടികൾക്ക് ഓരോ വർഷവും എസ്എസ്എൽസി, പ്ലസ് ടു പരീക്ഷകളിൽ മികച്ച വിജയം നേടാൻ പ്രോത്സാഹനം ആകുന്ന ഒരു പരിപാടിയുണ്ട്, 'തിളക്കം'. കഴിഞ്ഞ അഞ്ചുവർഷമായി ഈ പരിപാടി സംഘടിപ്പിച്ചു വരുന്നു. ഇത്തവണ തിളക്കം പരിപാടി ഉദ്ഘാടനം ചെയ്യാൻ എത്തിയത് റവന്യൂ മന്ത്രി കെ.  രാജൻ ആയിരുന്നു. ജി. സ്റ്റീഫൻ എംഎൽഎ ചടങ്ങിൽ അധ്യക്ഷത വഹിച്ചു. സർക്കാർ, എയ്ഡഡ് സ്കൂളിൽ നിന്നും 2025-ലെ എസ്.എസ്.എൽ.സി., പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ അരുവിക്കര മണ്ഡലത്തിലെ വിദ്യാർത്ഥികൾക്ക് പുരസ്കാരം നൽകുന്ന തിളക്കം 2025 പ്രോഗ്രാം റവന്യൂ-ഭവന നിർമ്മാണ വകുപ്പ്  മന്ത്രി കെ. രാജൻ  ഉദ്ഘാടനം ചെയ്തു. വിശിഷ്ട അതിഥികളായി സാമൂഹിക നിതി വകുപ്പ്, തദ്ദേശ സ്വയംഭരണ സ്പെഷ്യൽ സെക്രട്ടറി ഡോ. അദീല അബ്ദുള്ള ഐ.എ.എസ്., പത്മശ്രീ ഡോ: ജെ. ഹരീന്ദ്രൻ നായർ, ആര്യനാട് ഗ്രാമപഞ്ചായത്ത് പ്രസിഡൻ്റ് ശ്രീ. വി. വിജുമോഹൻ തുടങ്ങിയവർ പങ്കെടുത്തു.