രാജ്യത്തെ ആദ്യ ട്രാവൽ ലിറ്ററേച്ചർ ഫെസ്റ്റിവൽ വർക്കലയിൽ — ഒക്ടോബർ 17ന് 'യാനം' ആരംഭിക്കും
- Reported by:Athira Balan A
- local18
- Published by:Gouri S
Last Updated:
ലോകത്തിൻ്റെ വിവിധ ഭാഗങ്ങളിൽ നിന്നുള്ള അൻപതോളം എഴുത്തുകാർ, ട്രാവൽ ജേണലിസ്റ്റുകൾ, പ്രശസ്ത ഫോട്ടോഗ്രാഫർമാർ, ട്രാവൽ ബ്ലോഗർമാർ, വ്ലോഗർമാർ എന്നിവരെല്ലാം ഈ ഫെസ്റ്റിവലിൽ പങ്കെടുക്കുന്നുണ്ട്.
ലോക ടൂറിസം ഭൂപടത്തിൽ കേരളത്തിന് പുതിയൊരു സ്ഥാനം നേടിക്കൊടുക്കാനായി ടൂറിസം മേഖലയിൽ ഒരു നൂതന ഉദ്യമത്തിന് തുടക്കം കുറിക്കുകയാണ് കേരള ടൂറിസം വകുപ്പ്. രാജ്യത്ത് തന്നെ ആദ്യമായി സംഘടിപ്പിക്കുന്ന 'യാനം ട്രാവൽ ലിറ്ററേച്ചർ ഫെസ്റ്റിവൽ' ഒക്ടോബർ 17 മുതൽ വർക്കലയിൽ ആരംഭിക്കുകയാണ്. യാത്രാനുഭവങ്ങളെയും സാഹിത്യത്തെയും സമന്വയിപ്പിച്ചുകൊണ്ടുള്ള ഈ സംരംഭം കേരള ടൂറിസത്തിൻ്റെ മാർക്കറ്റിംഗ് പരിപാടികളിൽ ലോകശ്രദ്ധ ആകർഷിക്കുന്ന മറ്റൊരു നാഴികക്കല്ലായി മാറുമെന്നാണ് പ്രതീക്ഷ. ലോകത്തിൻ്റെ വിവിധ ഭാഗങ്ങളിൽ നിന്നുള്ള അൻപതോളം എഴുത്തുകാർ, ട്രാവൽ ജേണലിസ്റ്റുകൾ, പ്രശസ്ത ഫോട്ടോഗ്രാഫർമാർ, ട്രാവൽ ബ്ലോഗർമാർ, വ്ലോഗർമാർ എന്നിവരെല്ലാം ഈ ഫെസ്റ്റിവലിൽ പങ്കെടുക്കുന്നുണ്ട്.
യാത്രാവിവരണങ്ങളും അനുഭവങ്ങളും പങ്കുവെക്കുന്നതിലൂടെ കേരള ടൂറിസത്തെ അടുത്തറിയാൻ സഹായിക്കുന്ന ട്രാവൽ ട്രെയിലുകളും, ഫോട്ടോഗ്രാഫി, യാത്രാവിവരണം തുടങ്ങിയ വിഷയങ്ങളിൽ വിവിധ വർക്ക്ഷോപ്പുകളും ഫെസ്റ്റിവലിൻ്റെ ഭാഗമായി സംഘടിപ്പിക്കുന്നു. ട്രാവൽ ലിറ്ററേച്ചർ ഫെസ്റ്റിവലിന് ആതിഥേയത്വം വഹിക്കാൻ തിരഞ്ഞെടുത്ത വർക്കല, അതിൻ്റെ പ്രകൃതിരമണീയത കൊണ്ട് എന്നും സഞ്ചാരികളുടെ ഇഷ്ടകേന്ദ്രമാണ്.
തെക്കൻ കേരളത്തിലെ ഈ തീരദേശ പട്ടണം, പ്രശസ്തമായ വർക്കല ക്ലിഫ് എന്ന ചെങ്കുത്തായ പാറക്കെട്ടും, മണൽത്തീരവും, ഔഷധഗുണമുള്ള ജലപ്രവാഹങ്ങളും ഒത്തുചേരുന്ന ഒരു അപൂർവ സംയോജനമാണ്. അറബിക്കടലിനോട് ചേർന്നുള്ള ചെങ്കുത്തായ ഈ പാറക്കെട്ടുകളാണ് വർക്കലയുടെ ഏറ്റവും വലിയ പ്രത്യേകത. ക്ലിഫിൽ നിന്നുള്ള സൂര്യാസ്തമയ കാഴ്ചയും താഴെയുള്ള പാപനാശം ബീച്ചിൻ്റെ സൗന്ദര്യവും സഞ്ചാരികളെ ആകർഷിക്കുന്നു. പ്രസിദ്ധമായ ജനാർദ്ദനസ്വാമി ക്ഷേത്രവും ശ്രീനാരായണ ഗുരുദേവൻ മഹാസമാധി അടഞ്ഞ ശിവഗിരി മഠവും ഇവിടെ സ്ഥിതിചെയ്യുന്നത് ആത്മീയ ടൂറിസത്തിനും വലിയ സാധ്യത നൽകുന്നുണ്ട്.
advertisement
ആയുർവേദ കേന്ദ്രങ്ങളും യോഗാ പരിശീലന സ്ഥലങ്ങളും വർക്കലയെ ആരോഗ്യ ടൂറിസത്തിൻ്റെ കേന്ദ്രമായി മാറ്റുന്നു. ഈ സവിശേഷതകളുള്ള വർക്കലയിൽ നടക്കുന്ന 'യാനം' ഫെസ്റ്റിവൽ, കേരളത്തിൻ്റെ സാംസ്കാരിക സൗന്ദര്യത്തെയും യാത്രാനുഭവങ്ങളെയും കുറിച്ച് എഴുത്തുകാർക്ക് പ്രചോദനമേകും.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Oct 15, 2025 5:08 PM IST
മലയാളം വാർത്തകൾ/ വാർത്ത/Thiruvananthapuram/
രാജ്യത്തെ ആദ്യ ട്രാവൽ ലിറ്ററേച്ചർ ഫെസ്റ്റിവൽ വർക്കലയിൽ — ഒക്ടോബർ 17ന് 'യാനം' ആരംഭിക്കും
